ଚାଇନା କୁବେରଙ୍କ ସମ୍ପତ୍ତି ବୃଦ୍ଧି

ନୂଆଦିଲ୍ଲୀ,୧୦।୪: ଆମେରିକାଠାରୁ ଆଫ୍‌ଗାନିସ୍ଥାନ, ଭାରତରୁ ଭିଏତନାମ ଯାଏ କାହାରିକୁ ଛାଡ଼ ଦେଉନି କରୋନା। କୋଭିଡ୍‌-୧୯ ପଞ୍ଝାରୁ ବର୍ତ୍ତୁନାହାନ୍ତି ଧନୀ କି ଗରିବ। ବିଶ୍ୱ ମହାମାରୀ ପାଲଟିଥିବା ଏହି ଭାଇରସ୍‌ କାରଣରୁ ଦୋହଲି ଯାଇଛି ଆର୍ଥିକ ବ୍ୟବସ୍ଥା। ଭୟଙ୍କର କ୍ଷତିର ସମ୍ମୁଖୀନ ହେଉଛନ୍ତି ପୃଥିବୀର ଧନକୁବେରମାନେ। ହେଲେ ଏପରି ସଙ୍କଟ ସମୟରେ କରୋନାର ଉତ୍ପତ୍ତିସ୍ଥଳ ଚାଇନା ବେଶ୍‌ ଫାଇଦାରେ ରହିଛି। ବିଶ୍ୱବ୍ୟାପୀ ହାହାକାର ପରିବେଶ ସୃଷ୍ଟି ହୋଇଥିବାବେଳେ ବେଶ୍‌ ଲାଭବାନ୍‌ ହୋଇଛନ୍ତି ଚାଇନିଜ୍‌ ବଣିକ ଗୋଷ୍ଠୀ।
ଚାଇନାର ସଂସ୍ଥା ହୁରନ୍‌ ରିପୋର୍ଟକୁ ନେଇ କରାଯାଇଥିବା ରିସର୍ଚ୍ଚ ଅନୁଯାୟୀ, ଦୁନିଆର ଟପ୍‌ ୧୦୦ କୋଟିପତିଙ୍କ ମଧ୍ୟରୁ କେବଳ ୯ ପ୍ରତିଶତଙ୍କ ସମ୍ପତ୍ତିରେ ବୃଦ୍ଧି ଘଟିଛି। ସବୁଠାରୁ ବଡ଼କଥା ଏ ସମସ୍ତ ହେଉଛନ୍ତି ଚାଇନିଜ୍‌। ଅନ୍ୟଦେଶର ୮୬% କୋଟିପତିଙ୍କ ସମ୍ପତ୍ତି ପୂର୍ବାପେକ୍ଷା କମିଛି। ଅନ୍ୟ ୫ ପ୍ରତିଶତଙ୍କ ସମ୍ପତ୍ତିରେ ସେପରି କୌଣସି ବଡ଼ ଧରଣର ପରିବର୍ତ୍ତନ ଆସି ନ ଥିବା ଜଣାପଡ଼ିଛି। ବିଶ୍ୱର ୧୦୦ ଶ୍ରେଷ୍ଠ ଧନିକଙ୍କ ମଧ୍ୟରେ ଚାଇନାର ୬ଜଣ ନୂତନ ଭାବେ ତାଲିକାଭୁକ୍ତ ହୋଇଛନ୍ତି। ଅପରପକ୍ଷେ ଭାରତର ୩ ଏବଂ ଆମେରିକାର ୨ ଜଣ ଏହି ତାଲିକାରୁ ବାଦ୍‌ ପଡ଼ିଛନ୍ତି। ଏହି ରିପୋର୍ଟରେ କୁହାଯାଇଛି, ଗତ ସାଢେ ଦୁଇ ବର୍ଷ ମଧ୍ୟରେ ଧନକୁବେରମାନେ ଯେତିକି ଟଙ୍କା କମାଇଛନ୍ତି ତାହାର ସିଂହଭାଗ ଗତ ଦୁଇମାସରେ ଶେଷ ହୋଇଯାଇଛି। ଏହି ସମୟ ମଧ୍ୟରେ ଦୁନିଆର ଟପ୍‌ ୧୦୦ ଧନିକଙ୍କ ମୋଟ ସମ୍ପତ୍ତିର ପାଖାପାଖି ୩୦ ଲକ୍ଷ କୋଟି ଟଙ୍କା କମ୍‌ ହୋଇଯାଇଛି। ସେହିପରି ଶ୍ରେଷ୍ଠ ୧୦ କୋଟିପତିଙ୍କ ସମ୍ପତ୍ତିରେ ୯.୪୦ ଲକ୍ଷ କୋଟି ଟଙ୍କା କମିଛି। କରୋନା ମହାମାରୀ ବ୍ୟାପିବା ଆଗରୁ ପୃଥିବୀରେ ୨,୮୧୬ ବିଲିୟନେୟାର୍ସ ରହିଥିଲେ। ଏହି ଅଙ୍କରେ ଏବେ ୨୦% ହ୍ରାସ ପାଇଛି। ଅର୍ଥାତ୍‌ ବିଲିୟନେୟାର୍ସରେ ସାମିଲ ହୋଇଥିବା ୫ଜଣଙ୍କ ମଧ୍ୟରୁ ଜଣେ ଏବେ ଏଥିରୁ ବାଦ୍‌ ପଡ଼ିଛନ୍ତି। ତେବେ ଭାଇରସ୍‌ ପାଇଁ ସମସ୍ତେ ଯେ କ୍ଷତି ସହିଛନ୍ତି ତାହା ନୁହେଁ, ଏପରି ପ୍ରତିକୂଳ ସମୟରେ ମଧ୍ୟ ଅନେକଙ୍କ ସମ୍ପତ୍ତିର ପରିମାଣ ବଢ଼ିଛି।
ଜୁମ୍‌ କମ୍ପାନୀର ପ୍ରତିଷ୍ଠାତା ଏରିକ୍‌ ୟୁଆନ୍‌ଙ୍କ ମୋଟ ସମ୍ପତ୍ତିରେ ୨୬ ହଜାର କୋଟି ଟଙ୍କା ବୃଦ୍ଧି ଘଟିଛି। ଏବେ ତାଙ୍କ ସମ୍ପତ୍ତି ୩୪ ହଜାର କୋଟିରୁ ୬୦ ହଜାର କୋଟି ଟଙ୍କାରେ ପହଞ୍ଚତ୍ଛି। ଜୁମ୍‌ ହେଉଛି ଭର୍ଚୁଆଲ ମିଟିଂ କରୁଥିବା ଏକ ଆପ୍‌। କରୋନା ସଙ୍କଟ ସମୟରେ ‘ଓ୍ବାର୍କ ଫ୍ରମ୍‌ ହୋମ୍‌’ରେ ଥିବା ପ୍ରଫେଶନାଲଙ୍କ ମଧ୍ୟରେ ଏହି ଆପ୍‌ର ଚାହିଦା ଯଥେଷ୍ଟ ବଢ଼ିଛି। ସେହିପରି ଭେଣ୍ଟିଲେଟର ନିର୍ମାଣ କରୁଥିବା କମ୍ପାନୀ ମିନ୍‌ଡ୍ରେର ପ୍ରତିଷ୍ଠାତା ଏଲେକ୍ସ ସୁଙ୍କ ସମ୍ପତ୍ତିରେ ୨୬% ବୃଦ୍ଧି ଘଟିଛି। ତାଙ୍କ ମୋଟ ସମ୍ପତ୍ତିର ପରିମାଣ ୧ ଲକ୍ଷ କୋଟି ଟଙ୍କାରେ ପହଞ୍ଚତ୍ଛି। ମାତ୍ର ଦୁଇ ମାସ ମଧ୍ୟରେ ଏପରି ଲାଭ ପାଇବାରେ ସେ ସକ୍ଷମ ହୋଇଛନ୍ତି। ପୃଥିବୀରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ଏହି ଜୀବନ ରକ୍ଷାକାରୀ ଭେଣ୍ଟିଲେଟର କାମରେ ଆସୁଛି, ଯାହାର ଫାଇଦା ମିଳିଛି ଏଲେକ୍ସଙ୍କୁ। ଏହି ଧାଡ଼ିରେ ଆଗରେ ଅଛନ୍ତି ଚାଇନାର ଅନ୍ୟତମ ଉଦ୍ୟୋଗପତି ଲିୟୁ ୟୋଙ୍ଗହାଓ। ଘୁଷୁରି ମାଂସ ଉତ୍ପାଦନ କରୁଥିବା ଲିୟୁଙ୍କ ସମ୍ପତ୍ତି ଏହି ଦୁଇ ମାସ ମଧ୍ୟରେ ୨୦% ବଢ଼ି ୧ ଲକ୍ଷ ୧୩ ହଜାର କୋଟି ଟଙ୍କାରେ ପହଞ୍ଚତ୍ଛି।
ମହାମାରୀ କରୋନାରେ ଦୋହଲିଯାଇଛି ବର୍ନାର୍ଡ ଅର୍ନାଲ୍ଟଙ୍କ ଆର୍ଥିକ ଅବସ୍ଥା। ବର୍ନାର୍ଡଙ୍କ ଦ୍ୱାରା ସ୍ଥାପିତ ଏଲ୍‌ଭିଏମ୍‌ଏଚ୍‌ କମ୍ପାନୀ ଲକ୍‌ଜ୍ୟୁରି ସାମଗ୍ରୀ ପ୍ରସ୍ତୁତ କରୁଛି। ତାଙ୍କ ମୋଟ ସମ୍ପତ୍ତିରେ ୨.୨୫ ଲକ୍ଷ କୋଟି ହ୍ରାସ ପାଇଛି। ଅର୍ଥାତ୍‌ ପ୍ରତି ଘଣ୍ଟାରେ ସେ ୧୫୦ କୋଟି ଟଙ୍କା କ୍ଷତି ସହୁଛନ୍ତି। ସେହିପରି ଆମାଜନର ପ୍ରତିଷ୍ଠାତା ଜେଫ୍‌ ବେଜୋସ୍‌ଙ୍କ ୬୮ ହଜାର କୋଟି ଟଙ୍କା କ୍ଷତି ଘଟିଛି। ତଥାପି ସେ ମୋଟ ୯.୮୦ ଲକ୍ଷ କୋଟି ଟଙ୍କାର ସମ୍ପତ୍ତି ସହ ଧନିକଙ୍କ ମଧ୍ୟରେ ଶୀର୍ଷରେ ଅଛନ୍ତି। ଭାରତରେ ମଧ୍ୟ ଆର୍ଥିକ କ୍ଷତିର ପ୍ରଭାବ ଦେଖିବାକୁ ମିଳିଛି। ଗତ ୨ମାସରେ ଦେଶର ଶ୍ରେଷ୍ଠ ଧନୀ ମୁକେଶ ଅମ୍ବାନୀଙ୍କ ସମ୍ପତ୍ତିରେ ୧.୩୩ ଲକ୍ଷ କୋଟି ଟଙ୍କା ହ୍ରାସ ପାଇଛି। ଏବେ ବିଶ୍ୱ ଧନିକ ତାଲିକାରେ ମୁକେଶ ୧୭ତମ ସ୍ଥାନରେ ରହିଛନ୍ତି। ଏଥିପୂର୍ବରୁ ସେ ଶ୍ରେଷ୍ଠ ୧୦ ଭିତରେ ଥିଲେ।


Enter your email to get our daily news in your inbox.

All Right Reserved By Dharitri.Com

ବିଦାୟକାଳୀନ ଭାଷଣ ଦେବାବେଳେ ହୃଦ୍‌ଘାତ: ମଞ୍ଚ ଉପରୁ ଟଳିପଡ଼ିଲେ ୨୦ ବର୍ଷିଆ ଛାତ୍ରୀ

ମୁମ୍ବାଇ, ୬।୪: ମହାରାଷ୍ଟ୍ରର ଧାରାଶିଭ୍‌ ଜିଲା ପରାଡାସ୍ଥିତ ଆର୍‌.ଜି. ଶିନ୍ଦେ କଲେଜରୁ ରବିବାର ଏକ ଦୁଃଖଦ ଘଟଣା ସାମ୍‌ନାକୁ ଆସିଛି। କଲେଜରେ ବିଦାୟକାଳୀନ ଉତ୍ସବ ଚାଲିଥିବାବେଳେ...

ରାମନବମୀରେ ସମ୍ବଲପୁରରେ ବିଶାଳ ଶୋଭାଯାତ୍ରା

ସମ୍ବଲପୁର,୬।୪(ଭବାନୀ ଶଙ୍କର ଭୋଇ): ହନୁମାନ ଜୟନ୍ତୀ ସମନ୍ବୟ ସମିତି ପକ୍ଷରୁ ରବିବାର ସମ୍ବଲପୁରରେ ବିଶାଳ ବାଇକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ପ୍ରତିବର୍ଷ ସମନ୍ବ୍ବୟ ସମିତି ପକ୍ଷରୁ...

ଐତିହାସିକ ଶ୍ରୀରାମନବମୀ ମହୋତ୍ସବ: ଶୋଭାଯାତ୍ରାରେ ୧୫୦ ପ୍ରଜ୍ଞାପନ ମେଢ଼ ସାମିଲ 

ଭଦ୍ରକ,୬।୪(ସନାତନ ରାଉତ): ଭଦ୍ରକର ଐତିହାସିକ ଶ୍ରୀରାମ ନବମୀ ମହୋତ୍ସବ ପାଇଁ ରବିବାର ଭଦ୍ରକ ସହରର ପରିବେଶ ଗେରୁଆମୟ ହୋଇଥିବା ବେଳେ ଜୟ ଶ୍ରୀରାମ ଧ୍ୱନିରେ ପ୍ରକମ୍ପିତ...

୨୦୨୬ ଫେବୃଆରୀରେ ସରିବ ସମଲେଶ୍ୱରୀ ପ୍ରକଳ୍ପ: ମନ୍ତ୍ରୀ

ସମ୍ବଲପୁର,୬ା୪(ପ୍ରମୋଦ ବହିଦାର): ସମ୍ବଲପୁର ସମଲେଶ୍ୱରୀ ପ୍ରକଳ୍ପର ଦ୍ୱିତୀୟ ପର୍ଯ୍ୟାୟ କାମ ୨୦୨୬ ଫେବୃଆରୀ ଶେଷ ସୁଦ୍ଧା ସମ୍ପୂର୍ଣ୍ଣ ହେବ। ୨୦୨୫ ଅଗଷ୍ଟ ସୁଦ୍ଧା ଏହାର ଲୋକାର୍ପଣ...

ବାଇକ୍‌ ଉପରେ ମାଡ଼ିଗଲା ହାଇଓ୍ବା: ଚାଲିଗଲା ୨ ଜୀବନ, ଜଣେ ଗୁରୁତର

ସୋନପୁର,୬।୪(ମୃତ୍ୟୁଞ୍ଜୟ ଶତପଥୀ): ସୁବର୍ଣ୍ଣପୁର ଜିଲା ଖାରୀ-ବଲାଡି ରାସ୍ତାରେ ରବିବାର ଏକ ସର୍ମନ୍ତୁଦ ସଡକ ଦୁର୍ଘଟଣା ଘଟିଛି। ବଲାଡି ପୋଲ ନିକଟରେ ବାଇକ୍‌କୁ ଏକ ହାଇଓ୍ବା ଧକ୍କା...

WhatsApp ଆଣିଲା ନୂଆ ଫିଚର: ଏଣିକି ୟୁଜର ଷ୍ଟାଟସ୍ ଅପଡେଟ୍‌ରେ ଗୀତ ରଖିପାରିବେ

ନୂଆଦିଲ୍ଲୀ,୬।୪: ମେଟା-ମାଲିକାନାଧୀନ ପ୍ଲାଟଫର୍ମ ହ୍ୱାଟସଆପ୍ ଏକ ନୂତନ ଫିଚର ଆଣିଛି ଯାହା ୟୁଜରମାନଙ୍କୁ ସେମାନଙ୍କର ଷ୍ଟାଟସ୍ ଅପଡେଟରେ ଗୀତ ଯୋଡ଼ିବାକୁ ଅନୁମତି ଦେବ। ଏହି ଫିଚର,...

ଆକର୍ଷଣ ସାଜିଲା ତେର ଦଣ୍ଡ ମିଳନ: ସାମିଲ ହେଲେ ହଜାର ହଜାର ଶ୍ରଦ୍ଧାଳୁ

ବାଲିଗୁଡ଼ା,୬ା୪ (ସଞ୍ଜୟ କୁମାର ପାଣିଗ୍ରାହୀ): ବାଲିଗୁଡ଼ା ସ୍ଥିତ ପଞ୍ଚୁଦଣ୍ଡ ପରିଚାଳନା ସମିତି ଆନୁକୂଲ୍ୟରେ ୩୬ତମ ବାର୍ଷିକ ତେର ଦଣ୍ଡ ମିଳନ ରବିବାର ଉଦ୍‌ଯାପିତ ହୋଇଯାଇଛି। ଏହାକୁ...

Video: ଟାର୍ଗେଟ ପୂରଣରେ ବିଫଳ ହେବାରୁ କର୍ମଚାରୀଙ୍କୁ କୁକୁର ସଜାଇଲେ, ତଦନ୍ତ ନିର୍ଦ୍ଦେଶ ଦେଲା ଶ୍ରମ ବିଭାଗ

କୋଚି, ୬।୪: କେରଳର କୋଚିସ୍ଥିତ ପେରୁମ୍ବୁରରେ ଥିବା ଏକ ପ୍ରାଇଭେଟ ମାର୍କେଟିଂ କମ୍ପାନୀର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଉକ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image