ନୂଆଦିଲ୍ଲୀ,୨୩।୫: ଗତ କିଛିଦିନ ଚାଇନାରୁ ଆସୁଥିବା ବିଦେଶୀ ପ୍ରତ୍ୟକ୍ଷ ପୁଞ୍ଜି ନିବେଶ (ଏଫ୍ଡିଆଇ) ରୋକିବା ଉପରେ ସରକାର ନିୟମରେ ପରିବର୍ତ୍ତନ କରିଥିଲେ। ବର୍ତ୍ତମାନ ଚାଇନା ଏବଂ ହଂକଂରୁ ଆସୁଥିବା ନିବେଶର ଅନ୍ୟ ସାଧନ ଉପରେ ମଧ୍ୟ ରୋକ ଲଗାଇବା ଲାଗି ସରକାର ପ୍ରସ୍ତୁତ ହେଉଛନ୍ତି। ରଏଟର୍ସରେ ପ୍ରକାଶିତ ଖବର ମୁତାବକ ସରକାର ଶୀଘ୍ର ଏକ ଆଇନ ଆଣିବା ଲାଗି ପ୍ରସ୍ତୁତ ହେଉଛନ୍ତି। ଏଥିରେ ଚାଇନା ଏବଂ ହଂକଂରୁ ଆସୁଥିବା ଫରେନ୍ ପୋର୍ଟଫୋଲିଓ ଇନ୍ଭେଷ୍ଟମେଣ୍ଟ(ଏଫ୍ପିଆଇ)ର ଯାଞ୍ଚ କରାଯିବ। ପୂର୍ବରୁ ଭାରତ ସରକାର ପଡ଼ୋଶୀ ରାଷ୍ଟ୍ରଗୁଡିକ ଲାଗି ଅଟୋମେଟିକ ରୁଟ୍ରେ ଆସୁଥିବା ଏଫ୍ଡିଆଇ ନିୟମ ଉପରେ କଟକଣା ଲାଗୁ କରିଥିଲେ। ଏ କ୍ଷେତ୍ରରେ ସରକାରଙ୍କ ଅନୁମତି ବର୍ତ୍ତମାନ ଲୋଡା ପଡୁଛି। ଚାଇନା, ପାକିସ୍ତାନ, ମ୍ୟାନ୍ମାର, ଭୁଟାନ, ନେପାଳ, ଆଫଗାନିସ୍ତାନ ଭଳି ଦେଶଗୁଡିକ ଏହା ଦ୍ୱାରା ଅଟୋମେଟିକ ଏଫ୍ଡିଆଇ ନିବେଶ ରାସ୍ତା ବନ୍ଦ ହୋଇ ଯାଇଛି।