ବ୍ରହ୍ମପୁର ଅଫିସ,୧୮ା୬- ସାରା ବିଶ୍ୱ କରୋନା ଦ୍ୱାରା ଆତଙ୍କିତ ହୋଇ ରହିଥିବା ବେଳେ ଚାଇନା ସୈନିକଙ୍କ ଭାରତର ଲଦାଖ ଗଲ୍ୱାନ ଭ୍ୟାଲିରେ ସୀମା ଅତିକ୍ରମ ଓ ମଙ୍ଗଳବାର ଭାରତ ଯବାନଙ୍କ ଉପରେ ଚୀନ ସୈନିକଙ୍କ ଆକ୍ରମଣକୁ ନିନ୍ଦା କରିଛି ଅଖିଳ ଭାରତ ବିଦ୍ୟାର୍ଥୀ ପରିଷଦ(ଏବିଭିପି)। ଏହାର ପ୍ରତିବାଦରେ ବୁଧବାର ଏବିଭିପି ବ୍ରହ୍ମପୁର ଶାଖା ପକ୍ଷରୁ ଖଲ୍ଲିକୋଟ କଲେଜ ସମ୍ମୁଖରେ ବକ୍ଷୋଭ କରାଯାଇଥିଲା। ଚାଇନା ପ୍ରତ୍ୟେକ୍ଷରେ ଭାରତ ସହ ଆଲୋଚନା କରୁଥିବା ବେଳେ ପରୋକ୍ଷରେ ଆକ୍ରମଣ କରିବା ଅତ୍ୟନ୍ତ ନିନ୍ଦନୀୟ ବୋଲି ସଂଗଠନ କହିଛି। ଏହି ଅବସରରେ ଏବିଭିପିର କର୍ମକର୍ତ୍ତାମାନେ ମଙ୍ଗଳବାର ସୀମାରେ ଶହୀଦ ହୋଇଥିବା ୨୦ ଭାରତୀୟ ଯବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଚାଇନା ସାମଗ୍ରୀ ବର୍ଜନ କରିବାକୁ ଆହ୍ବାନ ଦିଆଯାଇଥିଲା। ଏଥିରେ ରାଜ୍ୟ ସମ୍ପାଦକ ଶଶୀକାନ୍ତ ମିଶ୍ର, ରାଜ୍ୟ ଉପସଭାପତି ଶିବପ୍ରସାଦ ତ୍ରିପାଠୀ, ଅଖିଳ ଭାରତ ବିଦ୍ୟର୍ଥୀ ପରିଷଦ ବ୍ରହ୍ମପୁର ଶାଖା ନଗର ସମ୍ପାଦକ ଚିନ୍ମୟାନନ୍ଦନ ପଟ୍ଟନାୟକ, ନଗର ସହ ସମ୍ପାଦକ ଅନିଲ କୁମାର ଦୋରା, ଚିନ୍ମୟ ରାଉତ, ସାଗର ଦଳାଇ, ଶୁଭ୍ରରଞ୍ଜନ ସାହୁ, ସମୀର ପ୍ରଧାନ, ତ୍ରିଲୋକ ସାହୁ, ସୁନୀଲ କୁମାର ପାଣିଗ୍ରାହୀ, ରାଜ କୁମାର ସାହୁ ଓ ଗଣେଶ ଭାଇ ପ୍ରମୁଖ ସାମିଲ ହୋଇଥିଲେ।