Bengaluru: Sunrisers Hyderabad mentor VVS Laxman addresses during a press conference at Indian Premier League (IPL) Players' Auction in Bengaluru on Jan 27, 2018. (Photo: IANS)
ନୂଆଦିଲ୍ଲୀ,୨୯।୫(ପି.ଟି.): ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ରେ ଭାରତୀୟ ଓପନର ରୋହିତ ଶର୍ମା ନିଜକୁ ଜଣେ ସଫଳ ଅଧିନାୟକ ଭାବେ ଗଢି ତୋଳିଛନ୍ତି। ଚାପକୁ ମୁକାବିଲା କରିବାରରେ ରୋହିତ ବେଶ୍ ସଫଳ। ଏଥିପାଇଁ ସେ ଆଇପିଏଲ୍ର ସଫଳତମ ଅଧିନାୟକ ହୋଇପାରିଛନ୍ତି ବୋଲି ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ରୋହିତ ଶର୍ମା କହିଛନ୍ତି। କଷ୍ଟକର ପରିସ୍ଥିତିରେ ଓ ଚାପରେ ସେ ବେଶ୍ ଶାନ୍ତ ରହିଥାନ୍ତି। ମୁମ୍ବାଇ ଇଣ୍ଡିଆନ୍ସର ନେତୃତ୍ୱ ନେଇ ୩୩ ବର୍ଷୀୟ ରୋହିତଙ୍କ ୪ଥର ଆଇପିଏଲ୍ ଟାଇଟଲ ଅର୍ଜନ କରିଛନ୍ତି। ଏହି କ୍ରମରେ ସେ ମହେନ୍ଦ୍ର ସିଂ ଧୋନୀଙ୍କଠାରୁ ଗୋଟିଏ ପାଦ ଆଗରେ ରହିଛନ୍ତି। ଚେନ୍ନାଇ ସୁପର କିଙ୍ଗ୍ସର ନେତୃତ୍ୱ ନେଇ ଧୋନୀ ୩ଥର ଆଇପିଏଲ୍ ଟାଇଟଲ ଜିତିଛନ୍ତି।
ରୋହିତ ପ୍ରଥମେ ଡେକାନ ଚାର୍ଜର୍ସ ତରଫରୁ ଆଇପିଏଲ୍ ଖେଳିଥିଲେ। ସେବେଠାରୁ ସେ ନିଜକୁ ଜଣେ ଉଚ୍ଚକୋଟୀର ବ୍ୟାଟ୍ସମ୍ୟାନ ଓ ଅଧିନାୟକ ରୂପେ ଗଢି ତୋଳିଛନ୍ତି ବୋଲି ଲକ୍ଷ୍ମଣ କହିଛନ୍ତି। ଆଇପିଏଲ୍ ଇତିହାସରେ ରୋହିତ ତୃତୀୟ ସର୍ବାଧିକ ରନ୍ ସଂଗ୍ରହକାରୀ ବ୍ୟାଟ୍ସମ୍ୟାନ ସାବ୍ୟସ୍ତ ହୋଇଛନ୍ତି। ସେ ୧୮୮ଟି ମ୍ୟାଚ୍ ଖେଳି ୩୧.୬୦ ରନ ହାରରେ ୪୮୯୮ ରନ ସଂଗ୍ରହ କରିଛନ୍ତି। ଅପରାଜିତ ୧୦୯ ରନ ହେଉଛି ତାଙ୍କର ସର୍ବାଧିକ ବ୍ୟକ୍ତିଗତ ସ୍କୋର। ପ୍ରତ୍ୟେକ ମ୍ୟାଚ୍ ଖେଳିବା ସହ ସେ ତାଙ୍କ ଆତ୍ମବିଶ୍ୱାସ ବୃଦ୍ଧି କରିବାରେ ସଫଳ ହୋଇଛନ୍ତି। ତେବେ ସବୁଠାରୁ ବଡ଼ କଥା ହେଉଛି ସେ ଚାପକୁ ଅତି ସୁନ୍ଦର ଭାବେ ସମ୍ମୁଖୀନ ହୋଇଥାନ୍ତି। ଏହି ନିଶ୍ଚିତ ଭାବେ ଶିକ୍ଷଣୀୟ। ଚାପରେ ସେ ଆହୁରି ଅଧିକ ପ୍ରଭାବୀ ବ୍ୟାଟିଂ ପ୍ରଦର୍ଶନ କରିଥାନ୍ତି ଓ ଦଳକୁ ବିଜୟ ପ୍ରଦାନ କରିବାରେ ମୁଖ୍ୟ ଭୂମିକା ଗ୍ରହଣ କରିଥାନ୍ତି। ଏ ନେଇ ଏକାଧିକ ଉଦାହରଣ ରହିଛି। ଏଥିପାଇଁ ସେ ଆଇପିଏଲ୍ ଇତିହାସରେ ସଫଳତମ ଅଧିନାୟକ ହୋଇପାରିଛନ୍ତି ବୋଲି ଲକ୍ଷ୍ମଣ କହିଛନ୍ତି।