ନିମାପଡ଼ା,୧।୪(ଡି.ଏନ.ଏ.): ମହାମାରୀ କରୋନା ସଂକ୍ରମଣ ଦାଉରୁ ରକ୍ଷା ପାଇଁ ନିମାପଡ଼ା ଅଗ୍ନିସେବା ସଂସ୍ଥା ପକ୍ଷରୁ ବିଶୋଧନ ଓ ସ୍ବଚ୍ଛତା କାର୍ଯ୍ୟ ହାତକୁ ନିଆଯାଇଛି। ଏହି ପରିପ୍ରେକ୍ଷୀରେ ଗତ ଦୁଇଦିନ ଧରି ନିମାପଡ଼ା ବ୍ଲକ ଅଧୀନ ଚାରିଛକ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପରିସର, ବିଭିନ୍ନ ଓ୍ବାର୍ଡ ସମେତ ସମ୍ପୂର୍ଣ୍ଣ ସ୍ବାସ୍ଥ୍ୟକେନ୍ଦ୍ରକୁ ବିଶୋଧନ କରାଯାଇଛି। ଏହାସହ ଆଗକୁ ପୂରା ନିମାପଡ଼ା ଅଞ୍ଚଳରେ ମଧ୍ୟ ବିଶୋଧନ କାର୍ଯ୍ୟ ଜାରି ରହିବ ବୋଲି ଅଗ୍ନିସେବା ସଂସ୍ଥା ପକ୍ଷରୁ କୁହାଯାଇଛି। କରୋନା ସାରା ବିଶ୍ୱକୁ ଆକ୍ରାନ୍ତ କରିବାକୁ ଯାଉଥିବାବେଳେ ଏଥିରୁ ମୁକ୍ତି ପାଇବା ପାଇଁ ପ୍ରତ୍ୟେକ ବ୍ୟକ୍ତି ନିଜେ ସ୍ବଚ୍ଛ, ପରିଷ୍କାର, ପରିଚ୍ଛନ୍ନତା ରହିବା ସହ ନିଜ ପରିବାର, ଅଞ୍ଚଳକୁ ସ୍ବଚ୍ଛ ରଖିବା ସହ ଲକଡାଉନର ସମସ୍ତ ବ୍ୟବସ୍ଥାକୁ ପାଳନ କରିବାକୁ ଅଗ୍ନିସେବା ସଂସ୍ଥା ଅଧିକାରୀ ବ୍ରହ୍ମାନନ୍ଦ ମଲ୍ଲିକ ଓ କର୍ମଚାରୀମାନେ ଜନସାଧାରଣଙ୍କୁ କହିଥିଲେ।
