ପ୍ରତିମା ପ୍ରଡକ୍ସନ ବ୍ୟାନରରେ ନିର୍ମିତ ହେବାକୁ ଯାଉଛି ନୂଆ ସିନେମା ‘ଗଁ।ର ନଁ। ଗାଲୁଆପୁର’। କମେଡିଭିତ୍ତିକ କାହାଣୀକୁ ଆଧାର କରି ପ୍ରସ୍ତୁତ ହେବାକୁ ଯାଉଥିବା ଏହି ଫିଲ୍ମର ଚିତ୍ରନାଟ୍ୟ ସହ ନିର୍ଦ୍ଦେଶନା ଦାୟିତ୍ୱ ତୁଲାଇବେ ବରିଷ୍ଠ ନିର୍ଦ୍ଦେଶକ ଜିତେନ୍ଦ୍ର ମହାପାତ୍ର। ବେଶ୍ କିଛିବର୍ଷର ଗ୍ୟାପ୍ ପରେ ଏହି ଫିଲ୍ମର ସ୍ବର ସଂଯୋଜନା କରୁଛନ୍ତି ପୁଚୁକି ଗାଲି ଫେମ୍ ଅମରେନ୍ଦ୍ର ମହାନ୍ତି। ଖାସ୍ କଥା ହେଲା, ଚିତ୍ରଟିର ମେଲ୍ ଲିଡ୍ରେ ଅଭିନୟ କରିବେ ପପୁ ପମପମ। ହେଲେ ତାଙ୍କ ଅପୋଜିଟ୍ରେ ନାୟିକା କିଏ ସାଜିବେ ସେ ନେଇ ପ୍ରଯୋଜନା ସଂସ୍ଥା ପକ୍ଷରୁ ନାୟିକା ମିଶନ ଆରମ୍ଭ କରାଯାଇଛି। ତେବେ ଫିଲ୍ମର ନାୟିକା ଏବଂ ଅନ୍ୟାନ୍ୟ ଭୂମିକାରେ କିଏ ଅଭିନୟ କରିବ ତାହା ଖୁବ୍ ଶୀଘ୍ର ଜଣାଇ ଦିଆଯିବ ବୋଲି ଏହାର ପ୍ରଯୋଜକ ସଂପ୍ରୀତ ଶତପଥୀ ସୂଚନା ଦେଇଛନ୍ତି।