ନୂଆଦିଲ୍ଲୀ,୪।୧୧: ମୁଶଫିକର ରହିମଙ୍କ ଲୁଆ ଅର୍ଦ୍ଧଶତକ ବଳରେ ବାଂଲାଦେଶ ପ୍ରଥମ ଟି-୨୦ ମ୍ୟାଚରେ ଭାରତକୁ ୭ ଉଇକେଟରେ ହରାଇ ଐତିହାସିକ ବିଜୟ ହାସଲ କରିଛି। ଭାରତ ବିପକ୍ଷରେ ବାଂଲାଦେଶର ଏହା ପ୍ରଥମ ଟି-୨୦ ବିଜୟ। ଏହି ବିଜୟ ସହ ବାଂଲାଦେଶ ତିନିମ୍ୟାଚ ମ୍ୟାଚ ବିଶିଷ୍ଟ ସିରିଜରେ ୧-୦ରେ ଆଗୁଆ ହୋଇଛି। ଦିଲ୍ଲୀରେ ବାୟୁ ପ୍ରଦୂଷଣ ସତ୍ତ୍ବେ ଅରୁଣ ଜେଟଲୀ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଭାରତ ଏକାଧିକ ଭୁଲ କରିଥିଲା। ଖରାପ ଫିଲ୍ଡିଂ, ବୋଲିଂ ଏବଂ ଡିଆରଏସର ଭୁଲ ପ୍ରୟୋଗ ଭାରତ ମ୍ୟାଚ୍ ପରାଜୟର ମୁଖ୍ୟ କାରଣ ଥିଲା। ତେବେ ଉଇକେଟ୍କିପର ରୁଷଭ ପନ୍ତ ୧୦ ଓଭରର ଶେଷ ବଲରେ ୟୁଜବେନ୍ଦ୍ର ଚହଲଙ୍କ ଏକ ବଲରେ ଆଉଟ୍ ଅପିଲ୍ କରିଥିଲେ। କିନ୍ତୁ ଅମ୍ପାୟାର ଶୁଣି ନ ଥିଲେ। ଏହାପରେ ସେ ଅଧିନାୟକ ରୋହିତ ଶର୍ମାଙ୍କୁ ଡିଆରଏସ ନେବା ପାଇଁ କହିଥିଲେ। ଆଉ ପନ୍ତଙ୍କ କଥା ମାନି ରୋହିତ ଡିଆରଏସ ନେଇଥିଲେ। ତାହା ଭୁଲ୍ ପ୍ରମାଣିତ ହୋଇଥିଲା। ଏତିକି ଷ୍ଟାଡିୟମରେ ଧୋନୀ ଧୋନୀ ନାରା ଲାଗିଥିଲା। ସୂଚନାଯୋଗ୍ୟ, ଧୋନୀ ଡିଆରଏସ ନେବାରେ ମାହିର ଥିଲେ। ସେ ଯେବେ ବି ଡିଆରଏସ ପାଇଁ ଅଧିନାୟକଙ୍କୁ କହିଛନ୍ତି ତାହା ସଠିକ୍ ପ୍ରମାଣିତ ହୋଇଛି। ଏବେ ଧୋନୀ କ୍ରିକେଟରୁ ଦୂରେଇ ଯାଇଥିଲେ ମଧ୍ୟ ତାଙ୍କ ପ୍ରଶଂସକ ପ୍ରତି ମ୍ୟାଚରେ ମନେପକାଉଛନ୍ତି।