ବୌଦ୍ଧ,୨୯ା୫(ସ୍ବ.ପ୍ର.)-ଶୁକ୍ରବାର ବୌଦ୍ଧ ଜିଲାରେ ପୁଣି ୧୩୦ ଜଣ ପ୍ରବାସୀ ଶ୍ରମିକ ପହଞ୍ଚିଥିବା ଜଣାଯାଇଛି। ଫଳରେ ଜିଲାକୁ ଫେରିଥିବା ପ୍ରବାସୀ ଶ୍ରମିକଙ୍କ ସଂଖ୍ୟା ୨୭୬୧ରେ ପହଞ୍ଚତ୍ଛି । ସେହିପରି ଅନୁଗୋଳ ଜିଲାର ଦୁଇ ଶ୍ରମିକ ପରିବାରର ୭ ଜଣ ଚାଲି ଚାଲି ଘରକୁ ଫେରୁଥିବା ବେଳେ ଜିଲା ଯୁବ ରେଡକ୍ରସ ପକ୍ଷରୁ ସେମାନଙ୍କୁ ବୌଦ୍ଧ ଟାଉନ ନିକଟରୁ ଉଦ୍ଧାର କରାଯାଇ ଗାଡି ଯୋଗେ ନିଜ ଘରକୁ ପଠାଇ ଦିଆଯାଇଛି ା ଏହାଛଡା ଏହାମଧ୍ୟରେ ସମୁଦାୟ ୬୧୩ ଜଣ ଶ୍ରମିକଙ୍କୁ ସ୍ବତନ୍ତ୍ର ଗାଡିରେ ସେମାନଙ୍କ ନିଜ ରାଜ୍ୟକୁ ପଠାଇ ଦିଆଯାଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଜିଲାରେ ୧୦୦ରୁ ଊର୍ଦ୍ଧ୍ୱ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ର ପ୍ରସ୍ତୁତ ହୋଇ ରହିଥିବା ବେଳେ ବର୍ତ୍ତମାନ ୫୩ କେନ୍ଦ୍ରରେ ପ୍ରବାସୀ ଶ୍ରମିକମାନଙ୍କୁ ରଖାଯାଇଛି। କଣ୍ଟାମାଳ ବ୍ଲକରେ ସର୍ବାଧିକ ୧୯ଟି କେନ୍ଦ୍ରରେ ୬୭୧ ଜଣ,ହରଭଙ୍ଗାରେ ୧୩ କେନ୍ଦ୍ରରେ ୫୧୪ ଜଣ ,ବୌଦ୍ଧ ବ୍ଲକରେ ୨୦ କେନ୍ଦ୍ରରେ ୬୪୭ ଜଣ ଓ ବୌଦ୍ଧ ଏନଏସିରେ ଗୋଟିଏ ଅସ୍ଥାୟୀ ସ୍ବାସ୍ଥ୍ୟକେନ୍ଦ୍ରରେ ୨୨ ଜଣ ଶ୍ରମିକଙ୍କୁ ରଖାଯାଇଛି । କ୍ୱାରାଣ୍ଟାଇନ ଅବଧି ପୂରଣ ହେବା ପରେ ୮୭୨ ଜଣ ଶ୍ରମିକ ଘରକୁ ଫେରିଥିବା ଜଣାଯାଇଛି। ସେହିପରି ୮୮୯ ଜଣଙ୍କ ସ୍ବାବ୍ ପରୀକ୍ଷା ପାଇଁ ପଠାଯାଇଥିବା ବେଳେ ଆଉ ୬୯ ଜଣଙ୍କ ରିପୋର୍ଟ ଆସିବାକୁ ବାକି ରହିଛି।