ତାଳଚେର,୧୫।୧(ନି.ପ୍ର.): ଅନୁଗୋଳ ଜିଲା ତାଳଚେର ପୌରପରିଷଦ ୧୮ନଂ. ୱାର୍ଡ ଦେଉଳବେଡ଼ା ତେଲିସାହି ଅକ୍ଷୟ କୁମାର ସାହୁଙ୍କ ଚାଷଜମିରେ ମାଟି ଦବି ଏକ ବିରାଟ ଗର୍ତ୍ତ ସୃଷ୍ଟି ହୋଇଛି । ୨୦ଫୁଟ ଗୋଲେଇ ୧୦/୧୫ ଫୁଟ ଗଭୀରରେ ଏହି ଗର୍ତ୍ତ ହୋଇଥିବା ଜଣାପଡ଼ିଛି । ଚାଷଜମିରୁ ପାଣି ଯାଇ ଉକ୍ତ ଗର୍ତ୍ତରେ ପଡ଼ିବାରୁ ଏହାର ଆକାର ବଢ଼ିବାରେ ଲାଗିଛି । କ୍ରମଶଃ ତଳକୁ ମାଟି ଦବିବାରେ ଲାଗିଛି । ଏ ନେଇ ସ୍ଥାନୀୟ ଲୋକେ ଆତଙ୍କିତ ହୋଇଥିବା ବେଳେ କୋଇଲାଖଣିରେ ଠିକ୍ ଭାବରେ ବାଲି ଭର୍ତ୍ତି କରାଯାଇ ନ ଥିବାରୁ ଏଭଳି ଘଟିଥିବା ଅଭିଯୋଗ କରିଛନ୍ତି।