ଖୋର୍ଦ୍ଧା ଅଫିସ,୨୦ା୪ : ବର୍ତ୍ତମାନ ଲକଡାଉନ ଯୋଗୁ ଚାଷୀକୂଳ ବିଶେଷ ପ୍ରଭାବିତ ହୋଇଛନ୍ତି। କ୍ଷେତରେ ପନିପରିବା ଶୁଖି ଓ ପଚିଶଢି ନଷ୍ଟ ହେଉଥିବାବେଳେ ଯାହା କିଛି ଅମଳ ହେଉଛି ତାହାକୁ ଉପଯୁକ୍ତ ମୂଲ୍ୟରେ ବିକ୍ରି କରିପାରୁନାହିଁ ଚାଷୀ। ଫଳରେ ଚାଷୀ ମନରେ ଚିନ୍ତା ଛାଇଯାଇଛି। ଏଭଳି ଚିତ୍ର ଦେଖିବାକୁ ମିଳିଛି ଖୋର୍ଦ୍ଧା ବ୍ଲକ ଟାଙ୍ଗିଆପଡା ପଞ୍ଚାୟତର କୁମାରବସ୍ତ ଗ୍ରାମରେ। ଏହି ଗ୍ରାମରେ ଅଧିକାଂଶ ଚାଷୀ ଲଗାଇଥିବା ଟମାଟ, ବାଇଗଣ, ଜହ୍ନ୍ି, ଛଚିନ୍ଦା, କଖାରୁ, କଲରା ଆଦି ଅମଳ କରି ଖୋର୍ଦ୍ଧା, ଜଟଣୀ ସମେତ ହାଟରେ ବ୍ରିକ୍ରି କରି ବେଶ ରୋଜଗାର କରିଥାନ୍ତି। ଚଳିତ ବର୍ଷ ଚାଷୀଙ୍କ ଭଲ ପନିପରିବା ଚାଷ ହୋଇଥିଲା। ଅମଳ ସମୟରେ ଲକଡାଉନ ହୋଇଗଲା। ନିର୍ଦ୍ଦିଷ୍ଟ ସମୟ ଲାଗି ପରିବା ହାଟ ଖୋଲୁଛି। ଏଣୁ ଠିକ୍ ସମୟରେ ବଜାରରେ ପରିବା ନ ପହଞ୍ଚିଲେ, ବେପାର ମାଡ। ପନିପରିବା ପରିବହନ ଲାଗି ସେପରି କୌଣସି ସୁିବଧା ନାହିଁ। ପନିପରିବା ବିକ୍ରି କରି ଫେରିବା ବେଳେ ପ୍ରଶାସନ କି ପୋଲିସ ହାତରେ ପଡ଼ି ହଟହଟା ହେବା ଭୟରେ କୌଣସି ମାଲ ପରିବହନ ଗାଡ଼ିି ଯିବାକୁ ମଙ୍ଗୁନାହାନ୍ତି। ଯେଉଁମାନେ ରାଜି ହେଉଛନ୍ତି ଅଧିକ ଟଙ୍କା ଦାବି କରୁଛନ୍ତି। ଏଣୁ ବାହାର ସ୍ଥାନକୁ ଚାଷୀ ପରିବା ନେବାରେ କଷ୍ଟ ହେଉଛି। ବାଧ୍ୟ ହୋଇ ବିଲରୁ ପରିବା ତୋଳି ଆଣିବା ପରେ କମ୍ ଦାମ୍ରେ ବେପାରୀଙ୍କୁ ବ୍ରିକି କରିବାକୁ ବାଧ୍ୟ ହେଉଛନ୍ତି ଚାଷୀ। ନିଜ ଚାଷ ଜମି ବ୍ୟତୀତ ଭାଗ ଚାଷରେ ପନିପରିବା ଲଗାଇଥିବା ଚାଷୀ ମଧ୍ୟ ମୁଣ୍ଡରେ ହାତ ଦେଇବସିଛନ୍ତି। କୁମାରବସ୍ତ ଗ୍ରାମର ମାଧବ ବଲୱନ୍ତ ଜଣେ ସଫଳ ଚାଷୀ। ୧୫ବର୍ଷ ଧରି ନିଜର ୨.୫ ଏକର ଜମିରେ ବାଇଗଣ, କଖାରୁ, ଜହ୍ନି, ଛଚିନ୍ଦା ଓ ପେସ୍ପିକମ୍ ଆଦି ପରିବା ଚାଷ କରିଥିଲେ। ପ୍ରାୟ ୨୫ରୁ ୩୦ ଟଙ୍କା ଖର୍ଚ୍ଚ କରିଥିଲେ। ଏଥିରୁ ସେ ପ୍ରାୟ ୧.୫ରୁ ୨ଲକ୍ଷ ଟଙ୍କା ଲାଭ ଆଶା କରିଥିଲେ ମାଧବ। ମାତ୍ର ଅମଳ ସମୟ ବେଳକୁ ଲକଡାଉନ ସ୍ଥିତି ସାଙ୍ଗକୁ ପରିବାରେ ରୋଗପୋକ ଲାଗିଯିବାରୁ ସବୁ ପଚିଶଢି ନଷ୍ଟ ହୋଇଗଲା। ଧାର କରଜ କରି ପରିବା ଚାଷ କରିଥିଲି। ଏବେ ସରକାର ଏଥିପ୍ରତି ଗୁରୁତ୍ୱ ଦେବା ଜରୁରୀ ହୋଇପଡ଼ିଛି।