ନୟାଗଡ଼ ଅଫିସ,୬ା୨: ନୟାଗଡ଼ ଜିଲାର ପାରମ୍ପରିକ ଅର୍ଥକରୀ ଫସଲ ଆଖୁଚାଷ ଏବେ ବୁଡିବାକୁ ବସିଛି। କାହିଁ କେଉଁ କାଳରୁ ଏଠାକାର ଚାଷୀ ଆଖୁ ଚାଷ କରି ଘଣା ବୁଲାଇ ଗୁଡ କରିଆସୁଥିଲେ। ଚିନିକଳ ହେବା ପରେ ୧୯୮୦ ପରଠାରୁ ଗୁଡକୁ ଭୁଲି ଚିନିକଳକୁ ଆଖୁ ବିକ୍ରି କରୁଥିଲେ। କେବଳ ନୟାଗଡ଼ ନୁହେଁ ଆଖପାଖ କଟକ, ଖୋର୍ଦ୍ଧା ଜିଲାର ଚାଷୀ ବି ନୟାଗଡ଼ ଚିନିକଳ ଉପରେ ନିର୍ଭର କରୁଥିଲେ। ହେଲେ ଚିନିକଳ ବନ୍ଦ ପରେ ଆଖୁ ଚାଷର ସ୍ଥାନ ଏବେ ଧାନ ଓ ଅନ୍ୟାନ୍ୟ ଫସଲ ନେଇଛି। ଆଉ କିଛି ଜମି ପଡିଆ ପଡିଛି। ଚାଷୀଙ୍କ ରୋଜଗାର ହ୍ରାସ ପାଇଛି । କିଛି ଚାଷୀ ରୋଜଗାର ଆଶାରେ ଗଁ। ଛାଡି ଦାଦନ ପଳାଇଛନ୍ତି। ଆଉ ସ୍ବଳ୍ପ ଚାଷୀ ଚାଷକୁ ବଞ୍ଚାଇ ରଖିଛନ୍ତି।