ମାଲକାନଗିରି/କୋରୁକୋଣ୍ଡା,୬ା୬ (ସ୍ବ.ପ୍ର./ଡି.ଏନ.ଏ.)- ମାଲକାନଗିରି ଜିଲା ଖଇରପୁଟ ବ୍ଲକ ସଦର ମହକୁମାସ୍ଥିତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଗୁରୁବାର ଏକ ଅଭାବନୀୟ ଘଟଣା ଘଟିଛି। ଚିକିତ୍ସା ଅବହେଳାରୁ ଏକ ଦେଢ଼ବର୍ଷର ଶିଶୁକନ୍ୟାର ମୃତ୍ୟୁ ହୋଇଛି। ଚିକିତ୍ସାରେ ଅବହେଳା କରାଯାଇଛଇ ବୋଲି ଶିଶୁକନ୍ୟାର ପରିବାର ଲୋକେ ଅଭିଯୋଗ ଆଣିଛନ୍ତି। ଦେହ ଖରାପ ହେବାରୁ ଗତ ସୋମବାର ଶିଶୁଟିକୁ ମେଡିକାଲରେ ପରିବାର ଲୋକେ ଭର୍ତ୍ତି କରିଥିଲେ। ଡାକ୍ତର ଶିଶୁଟିର ତୁରନ୍ତ ଚିକିତ୍ସା କରିବା ବଦଳରେ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଏହି ସମୟରେ କଣ ଶିଶୁକୁ ଡାକ୍ତରଖାନ ଆଣିବା କଥା କହି ଡାକ୍ତର ଜଣକ ନିଜ ମୋବାଇଲ ଫୋନରେ ବ୍ୟସ୍ତ ରହିଥିଲେ। ଶିଶୁଟିର ସମ୍ପର୍କୀୟମାନେ କାକୁତି ମିନତି ହେଲା ପରେ ସେ ଶିଶୁ ଟିର ଚିକିତ୍ସା କରି ରକ୍ତ ପରୀକ୍ଷା ପାଇଁ ପଠାଇଥିଲେ। ଏପର୍ଯ୍ୟନ୍ତ ରକ୍ତ ପରୀକ୍ଷାର ରିପୋର୍ଟ ଡାକ୍ତର ଦେଇନାହାନ୍ତି। ବୁଧବାର ଶିଶୁକନ୍ୟାର ଦେହ ଗୁରୁତର ହୋଇ ବିଳମ୍ବିତ ରାତିରେ ତାର ମୃତ୍ୟୁ ହୋଇଥିଲା। ଚିକିତ୍ସାରେ ଅବହେଳା ଯୋଗୁ ାଙ୍କ ଝିଅର ମୃତ୍ୟୁ ହେଲା ବୋଲି ପରିବାର ଲୋକେ ଅଭିଯୋଗ କରିଛନ୍ତି। ତେବେ ଏନେଇ ଡାକ୍ତରଙ୍କ ପକ୍ଷରୁ କିଛି କୁହାଯାଇନାହିଁ।