ନୂଆଦିଲ୍ଲୀ, ୨୮ା୯: ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ (ଏନ୍ଏସ୍ଇ) ରିଲୋକେଶନ ମାମଲାରେ ଏହାର ପୂର୍ବତନ ସିଇଓ ଚିତ୍ର ରାମକ୍ରିଷ୍ଣା ଏବଂ ଏନ୍ଏସ୍ଇର ପୂର୍ବତନ ଅଧିକାରୀ ଆନନ୍ଦ ସୁବ୍ରମଣ୍ୟମଙ୍କୁ ଦିଲ୍ଲୀ ହାଇକୋର୍ଟ ବୁଧବାର ଜାମିନ ପ୍ରଦାନ କରିଛନ୍ତି। ଅଭିଯୁକ୍ତମାନେ ବିଚାର ବିଭାଗୀୟ ହାଜରେ ଥିବାବେଳେ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ତଦନ୍ତ ସମ୍ପୂର୍ଣ୍ଣ ହୋଇ ନ ଥିବାରୁ ଜଷ୍ଟିସ୍ ସୁଧୀର କୁମାର ଜୈନ ସେମାନଙ୍କୁ ‘ବୈଧାନିକ ଜାମିନ’ ଦେଇଛନ୍ତି। ଗତ ମେ’ରେ ସ୍ବତନ୍ତ୍ର ସିବିଆଇ କୋର୍ଟ ଚିତ୍ରାଙ୍କ ଜାମିନ ଖାରଜ କରିଦେଇଥିବାବେଳେ ସେ ଏହାକୁ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ।