ବସ୍ତା, ୩।୬(ଡି.ଏନ.ଏ.)-ସମଗ୍ର ବିଶ୍ୱ ଏବେ କରୋନା କବଳିତ ହୋଇଥିବା ବେଳେ ସଚେତନତା ପାଇଁ ବିଭିନ୍ନ ସ୍ତରରେ ପ୍ରଚେଷ୍ଟା ଜାରି ରହିଥିବା ଦେଖିବାକୁ ମିଳିଛି ା ଏହିଭଳି ଏକ ଭିନ୍ନ ଢଙ୍ଗରେ ସଚେତନତାର ବାର୍ତ୍ତା ଦେଇଛନ୍ତି ବସ୍ତା ବ୍ଲକର ଏକ ଜାଗୃତି ଯୁବ ସଙ୍ଗଠନ। ବ୍ଲକର ବିଭିନ୍ନ ରାସ୍ତାରେ ଚିତ୍ର ମାଧ୍ୟମରେ ସମାଜକୁ ସଚେତନତାର ବାର୍ତ୍ତା ଦେଉଥିବା ଜଣାଯାଇଛି। ସଙ୍ଗଠନର ସଭାପତି ଦେବେନ୍ଦ୍ର ଘୋଷଙ୍କ ନେତୃତ୍ୱରେ ବସ୍ତା ବ୍ଲକର ବିଭିନ୍ନ ଅଞ୍ଚଳର ରାସ୍ତା ତଥା ବିଭିନ୍ନ ହାଟ ବଜାରେର କରୋନାର ଭୟାବହତାକୁ ଆଖି ଆଗରେ ରଖି ସଚେତନତାର ବାର୍ତ୍ତା ବାଣ୍ଟିଛନ୍ତି ା ମାସ୍କ ପିନ୍ଧିବା, ସାମାଜିକ ଦୂରତ୍ୱ ବଜାୟି ରଖିବା ତଥା ସର୍ବୋପରି ଘରେ ରହିବାକୁ ଚିତ୍ର ମାଧ୍ୟମରେ ଜଣାଇଛନ୍ତି।ଏଥିରେ ତାଙ୍କୁ ସଙ୍ଗଠନର ଅଗ୍ରଣୀ ସଦସ୍ୟ ସୁନୀଲ ଜେନା, ପ୍ରଦୀପ ଗିରି, ଜିତେନ୍ଦ୍ର ବିଶ୍ୱାଳ, ରାଧାରମଣ ନାୟକ, ବଳରାମ ସାମନ୍ତ, ଅଚ୍ୟୁତ ଜେନା ଏବଂ ଅନ୍ୟମାନେ ସକ୍ରିୟ ସାହାଯ୍ୟ କରିଥିବା ଜଣାଯାଇଛି ା