ନୂଆଦିଲ୍ଲୀ,୨୭।୮: ଆଇଏନ୍ଏକ୍ସ ମିଡିଆ ମାମଲାରେ ଛନ୍ଦି ହୋଇ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମଙ୍କ ସିବିଆଇ ରିମାଣ୍ଡରେ ଅଛନ୍ତି। ଅଗଷ୍ଟ ୩୦ ପର୍ଯ୍ୟନ୍ତ ସେ ସିବିଆଇ ହେପାଜତରେ ରହିଥିବା ବେଳେ ତାଙ୍କୁ ଆଇଏନ୍ଏକ୍ସ ମିଡିଆ ମାମଲାରେ ଜେରା କରାଯାଉଛି। ଜେରା ସମୟରେ ଚିଦାମ୍ବରମଙ୍କଠାରୁ ସନ୍ତୁଷ୍ଟିଜନକ ଉତ୍ତର ମିଳୁ ନ ଥିବାରୁ ସିବିଆଇ ତାଙ୍କର ଲାଏ ଡିଟେକ୍ଟର ଟେଷ୍ଟ କରିବାକୁ ଚାହୁଁଛି। ଏନେଇ କୋର୍ଟରେ ସିବିଆଇ ପକ୍ଷରୁ ଆବେଦନ କରାଯିବ ବୋଲି ଜଣାପଡ଼ିଛି। ସୋମବାର ସିବିଆଇ କୋର୍ଟ ଚିଦାମ୍ବରମଙ୍କ ରିମାଣ୍ଡ ଅବଧିକୁ ଆଉ ୪ ଦିନ ବଢ଼ାଇ ଦେଇଥିଲେ।