ନୂଆଦିଲ୍ଲୀ,୨୯।୮: ଆଇଏନ୍ଏକ୍ସ ମିଡିଆ ମାମଲାରେ ଏବେ ପୂର୍ବତନ କେନ୍ଦ୍ରମନ୍ତ୍ରୀ ପି. ଚିଦାମ୍ବରମ ଗିରଫ ହୋଇଥିବା ବେଳେ ଏହାକୁ ନେଇ ଖୁସି ପ୍ରକାଶ କରିଛନ୍ତି ଇନ୍ଦ୍ରାଣୀ ମୁଖାର୍ଜୀ। ଚିଦାମ୍ବରମ ସିବିଆଇ ହାଜତରେ ଥିବା ବେଳେ ଆଇଏନ୍ଏକ୍ସ ମିଡିଆର ପୂର୍ବତନ ମାଲିକ ଇନ୍ଦ୍ରାଣୀ ମୁଖାର୍ଜୀ କହିଛନ୍ତି ଚିଦାମ୍ବରମଙ୍କ ଗିରଫ ଏକ ଖୁସି ଖବର। ସୂଚନାଯୋଗ୍ୟ, ଇନ୍ଦ୍ରାଣୀଙ୍କ ବୟାନ ଆଧାରରେ ହିଁ ଚିଦାମ୍ବରମଙ୍କୁ ଗିରଫ କରାଯାଇଥିଲା। ୨୦୦୭ରେ ଚିଦାମ୍ବରମ ଅର୍ଥମନ୍ତ୍ରୀ ଥିବା ସମୟରେ ଆଇଏନ୍ଏକ୍ସ ମିଡିଆକୁ ବେଆଇନ ଭାବେ ପ୍ରାୟ ୩୦୫ କୋଟି ବିଦେଶୀ ଅର୍ଥ ଯୋଗାଣ ମାମଲାରେ ଏବେ ଛନ୍ଦି ହୋଇ ପଡିଛନ୍ତି ଚିଦାମ୍ବରମ।