ନୂଆଦିଲ୍ଲୀ,୨୪।୮: ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ୍ଙ୍କୁ ସିବିଆଇ ପକ୍ଷରୁ ପଚରା ଉଚରା କରାଯାଉଛି। ସେ କହିଛନ୍ତି ଯେ ସମୟ ଅଭାବ ଯୋଗୁ ସମସ୍ତ ଫାଇଲ୍ ଦେଖିବା ସମ୍ଭବ ନ ଥିଲା। ଏସବୁକୁ ଏଫ୍ଆଇପିବି ଡିଭିଜନ୍ର ୭-୮ ଆଇଏଏସ୍ ଅଫିସର ଯାଞ୍ଚ୍ କରୁଥିଲେ। ସେମାନେ ସଭିଏଁ ନିଜ କାମରେ ନିପୁଣ ଥିଲେ। ସେମାନଙ୍କ ସୁପାରିଶ ଉପରେ କେବଳ ନିଷ୍ପତ୍ତି ଚିଦାମ୍ବରମ୍ ନେଉଥିଲେ ବୋଲି କହିଛନ୍ତି। ଯଦି କିଛି ଭୁଲ୍ ହୋଇଛି ତେବେ ସେନେଇ ଆଇଏଏସ୍ ଅଫିସରମାନେ ଜାଣିଥିବେ। ଚିଦାମ୍ବରମ୍ଙ୍କ ଏଭଳି ମନ୍ତବ୍ୟ ଯୋଗୁ କେତେକ ଆଇଏଏସ୍ ଅଧିକାରୀଙ୍କୁ ମଧ୍ୟ ପଚରାଉଚରା କରାଯିବାର ଆଶଙ୍କା ସୃଷ୍ଟି ହୋଇଛି। ତଥ୍ୟ ମିଳିଲେ ସେମାନଙ୍କ ମଧ୍ୟରୁ କିଛିଙ୍କୁ ମଧ୍ୟ ଗିରଫ କରାଯାଇପାରେ ବୋଲି କୁହାଯାଉଛି।