ଚେନ୍ନାଇ,୧୩।୮: ତାମିଲନାଡୁ ମୁଖ୍ୟମନ୍ତ୍ରୀ କେ. ପଲାନିସ୍ବାମୀ କଂଗ୍ରେସର ବରିଷ୍ଠ ସଦସ୍ୟ ପି. ଚିଦାମ୍ବରମ୍ଙ୍କୁ କଡ଼ା ସମାଲୋଚନା କରିଛନ୍ତି। ଚିଦାମ୍ବରମ୍ ପୃଥିବୀ ଉପରେ ଏକ ବୋଝ ବୋଲି ସେ କହିଛନ୍ତି। ଚିଦାମ୍ବରମ୍ କେନ୍ଦ୍ର ମନ୍ତ୍ରୀ ଭାବେ କଂଗ୍ରେସ ଅମଳରେ ଅନେକ ବର୍ଷ ରହିଥିଲେ। ତେବେ ରାଜ୍ୟର କୌଣସି ସମସ୍ୟାର ସମାଧାନ ଦିଗରେ ଚିଦାମ୍ବରମ୍ ପଦକ୍ଷେପ ଗ୍ରହଣ କରି ନାହାଁନ୍ତି କାବେରୀ ବିବାଦର ସମାଧାନ ପାଇଁ ତାଙ୍କର କେବେ ମଧ୍ୟ ଆଗ୍ରହ ନ ଥିବା ପଲାନିସ୍ବାମୀ ଅଭିଯୋଗ କରିଛନ୍ତି। ପଲାନୀସ୍ବାମୀଙ୍କ ଏଭଳି ବିବାଦୀୟ ମନ୍ତବ୍ୟ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି।