ବ୍ରହ୍ମଗିରି, ୧୬ା୪(ଡି.ଏନ.ଏ): ଚିଲିକା ପାଇଁ ବିପଦ ସାଜିଛି ମାଲେସିଆର କଣ୍ଟେନର। ଏହା ଯୋଗୁ ଚିଲିକାରେ ଆଉ ଏକ ନୂଆ ମୁହାଣ ଖୋଲିବାର ଆଶଙ୍କା କରାଯାଉଛି। ଏ ନେଇ ସ୍ଥାନୀୟ ଅଞ୍ଚଳବାସୀ ଆତଙ୍କିତ ଥିବା ସମୟରେ ସ୍ଥାନୀୟ ବିଧାୟକ ଲଳିିତେନ୍ଦୁ ବିଦ୍ୟାଧର ମହାପାତ୍ର ବୁଧବାର ସ୍ଥିତି ଅନୁଧ୍ୟାନ କରି ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି। ଗତ ଅଗଷ୍ଟ ମାସରେ ମାଲେସିଆର ଏକ ପଣ୍ୟବାହୀ ଜାହାଜ ଚିଲିକା କୂଳର ରାଜହଂସ ନିକଟରେ ଲାଗିଥିଲା। ଯାହା ସ୍ଥାନୀୟ ପ୍ରଶାସନର ମୁଣ୍ଡ ବିନ୍ଧାର କାରଣ ସାଜିଥିଲା। ପ୍ରଶାସନ ହସ୍ତକ୍ଷେପ ପରେ ଏକ ମାସ ପରେ ଉକ୍ତ ଜାହାଜଟି ଗନ୍ତବ୍ୟସ୍ଥଳକୁ ଚାଲିଯାଇଥିଲା। କିନ୍ତୁ ସେହି ଦିନ ଠାରୁ ଉକ୍ତ ଜାହାଜର କଣ୍ଟେନରଟି ପଡ଼ିିରହିଛି। ସ୍ଥାନୀୟ ମତ୍ସ୍ୟଜୀବୀଙ୍କ କହିବା ଅନୁଯାଇ କଣ୍ଟେନରଟି ସମୁଦ୍ର ବେଳାଭୂମିରେ ପଡ଼ିରହି ସମୁଦ୍ର ଜଳର ଗତିପଥକୁ ପ୍ରତିରୋଧ କରୁଛି। ଯାହା ଫଳରେ ସମୁଦ୍ର ତରଙ୍ଗ ତା’ର ଗତିପଥ ବଦଳାଇ ଚିଲିକା ଓ ସମୁଦ୍ର ମଧ୍ୟରେ ଥିତ୍ବା ବାଲିବନ୍ଧ ( ସୁରକ୍ଷା ପ୍ରାଚୀର)କୁ ଖାଇବାରେ ଲାଗିଛି। ଫଳରେ ଚିଲିକାରେ ଆଉ ଏକ ନୂଆ ମୁହାଣ ଖୋଲିବାର ଆଶଙ୍କା କରାଯାଉଛି।