ଟିକିରି,୫ା୨(ଡି.ଏନ୍.ଏ.) – ରାୟଗଡ଼ା ଜିଲା କାଶୀପୁର ବ୍ଲକ ପୋଡାପାଡି ପଞ୍ଚାୟତରେ ରହିଛି କାଣ୍ଡସିଲି ଗ୍ରାମ ା ଏଠାରେ ଲୋକେ ପାଣି ଟୋପାଏ ପାଇଁ ଡହଳ ବିକଳ ହେଉଛନ୍ତି ା ତେଣୁ ଚୁଆ ପାଣି ଉପରେ ନିର୍ଭର କରିବାକୁ ପଡ଼ୁଛି ା ଏମିତି କି ଗାଁକୁ ଗୋଟିଏ ଭଲ ରାସ୍ତା ନ ଥିବାରୁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ା ଏନେଇ ବାରମ୍ବାର ଜଣାଇଲେ ମଧ୍ୟ କେହି ଆମ କଥା ଶୁଣୁ ନଥିବା ଗ୍ରାମବାସୀ ଅଭିଯୋଗ କରିଛନ୍ତି ା ଏହି ଗ୍ରାମରେ ପ୍ରାୟ ୧୪ ଆଦିବାସୀ ପରିବାର ବସବାସ କରୁଛନ୍ତି ା ଗାଁରେ ଗୋଟିଏ ନଳକୂପ ରହିଛି ା ହେଲେ ସେଥିରୁ ପାଣି ବାହାରୁ ନାହିଁ ା ଆଉ ଯେତେବେଳେ ବାହାରୁଛି ତାହା ବ୍ୟବହାର ଉପଯୋଗୀ ନୁହେଁ ା ତେଣୁ ଗାଁ ଲୋକେ ବର୍ଷ ବର୍ଷ ଧରି ପାନୀୟ ଜଳ ପାଇଁ ଅସୁବିଧା ଭୋଗୁଛନ୍ତି ା ବିଶୁଦ୍ଧ ପାନୀୟ ଜଳ ପାଇବା ସେମାନଙ୍କ ପାଇଁ ସ୍ବପ୍ନ ହୋଇଯାଇଛି ା ତେଣୁ ଲୋକେ ବାଧ୍ୟ ହୋଇ ନିକଟସ୍ଥ ନାଳ ଓ ଚୁଆ ଉପରେ ନିର୍ଭର କରିଥାନ୍ତି ା ଏହି ପଞ୍ଚାୟତରେ ବିଭିନ୍ନ ରାଜନୈତିକ ଦଳର ବରିଷ୍ଠ ନେତା ଓ ଏରିଆ ବ୍ଲକ ଚେୟାରମ୍ୟାନ୍ ଥିଲେ ସୁଦ୍ଧା ଉକ୍ତ ଗ୍ରାମ ପ୍ରତି କାହାରି ଆନ୍ତରିକତା ନ ଥିବା ଗ୍ରାମର ବୁଡୁ ମାଝି, କୃଷ୍ଣ ମାଝି, ଓଡ଼ିଆ ମାଝି, ସୀତାଇ ମାଝି, ପାଲଙ୍ଗ ମାଝି, କସ ମାଝି ପ୍ରମୁଖ ଗ୍ରାମବାସୀ କହିଛନ୍ତି ା ସେହିପରି କାଣ୍ଡସିଲି ଗ୍ରାମକୁ ଯିବା ପାଇଁ ଏକ ପକ୍ଲା ରାସ୍ତାଟିଏ ନାହିଁ ା ଫଳରେ ଲୋକେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି ା ତୁରନ୍ତ ଏହି ଗ୍ରାମରେ ଏକ ପକ୍କାରାସ୍ତା ସହିତ ପାନୀୟ ଜଳ ସମସ୍ୟା ସମାଧାନ କରିବାକୁ ଦାବି ହୋଇଛି ା ଏ ନେଇ ଜେଇ ଦାମୋଦର ମଲ୍ଲିକଙ୍କୁ ପଚାରିବାରୁ, ବର୍ତ୍ତମାନ ସୁଦ୍ଧା ମୋ ପାଖରେ କେହି ସମସ୍ୟା ନେଇ ଜଣାଇ ନାହାନ୍ତି ା ତୁରନ୍ତ ଏଥିପ୍ରତି ଦୃଷ୍ଟି ଦିଆଯିବ ବୋଲି ସେ କହିଛନ୍ତି ା