ଯୋଡ଼ା,୧୭।୫(ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ଖଣିମଣ୍ଡଳରେ ଖଣିଜ ଚୋରା କାରବାର ଥମିବାର ନାଁ ନେଉନାହିଁ। ଯୋଡ଼ା ଥାନା ତଥା ବିଲେଇପଦା ଫାଣ୍ଡି ଅନ୍ତର୍ଗତ ଲହଣ୍ଡା ଠାରେ ଗୁରୁବାର ୧୧ଟା ସମୟରେ ସନ୍ଦିଗ୍ଧ ଅବସ୍ଥାରେ ଯାଉଥିବା ୨ଟି ବାହାର ରାଜ୍ୟ ନଂ ୟୁପି ୫୪ଟି ୪୦୩୦ ଓ ୟୁପି୫୪ଟି ୫୪୫୬ ଥିବା ୧୨ଚକିଆ ଟ୍ରକ ଚୋରାଲୁହାପଥର ନେଇ ଯାଉଥିବା ବେଳେ ପୋଲିସ ଟ୍ରକ ୨ଟିକୁ ଅଟକାଇଥିଲା। ଗାଡ଼ିଗୁଡ଼ିକର ରେଜିଷ୍ଟ୍ରେସନ ନଂ ମଉ ଉତ୍ତରପ୍ରଦେଶ ବୋଲି ଜଣାପଡ଼ିଛି। ପୋଲିସକୁ ଦେଖି ଡ଼୍ରାଇଭର ଓ ହେଲପର ଟ୍ରକରୁ ଡିଆଁମାରି ରାସ୍ତା ପାର୍ଶ୍ୱ ଜଙ୍ଗଲ ମଧ୍ୟକୁ ପଳାଇଯାଇଥିଲେ। ବିଲେଇପଦା ଥାନା ଅଧିକାରୀ ରଞ୍ଜନ କୁମାର ବିଶ୍ୱାଳ ଟ୍ରକ ୨ଟିକୁ ଜବତ କରି ଯୋଡ଼ା ଥାନାରେ ରଖିଛନ୍ତି। ଟ୍ରକ ଦୁଇଟିରେ ପ୍ରାୟ ୮୦ ମେଟ୍ରିକ ଟନ ମୂଲ୍ୟବାନ ଼ ୫.୧୮ ସାଇଜ୍ଡ଼ ଲୁହାପଥର ଜବତ ହୋଇଛି ାଏହାର ଆନୁମାନିକ ବଜାର ମୂଲ୍ୟ ପ୍ରାୟ ଅଢେଇ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି ାତେଣେ ଚୋରା ଲୁହାପଥର କାରବାର ଦିନରାତି ତାର କାୟା ବିସ୍ତାର କରୁଥିବା ବେଳେ ଯୋଡ଼ା ଖଣି ଉପନିର୍ଦ୍ଦେଶାଳୟ ସ୍ଥାଣୁ ପାଲଟିଛି ା ରାଜ୍ୟ ସରକାରଙ୍କ ପକ୍ଷରୁ ଇଣ୍ଟିଗ୍ରେଟେଡ୍ ମାଇନ୍ସ ମିନେରାଲ ମ୍ୟାନେଜମେଣ୍ଟ(ଆଇଥ୍ରୀ ଏମଏସ)ଭଳି ସିଷ୍ଟମ ଥିଲେ ମଧ୍ୟ ଚୋରି ରୋକିବାରେ ଏହା ସକ୍ଷମ ହୋଇପାରୁ ନାହିଁ। ଯୋଡ଼ା ଖଣି ଉପନିର୍ଦ୍ଦେଶାଳୟରେ ଖଣିଜ ଚୋରା କାରବାର ରୋକିବା ପାଇଁ ଖଣି ନିରୀକ୍ଷକମାନଙ୍କର ଏକ ସ୍କ୍ବାର୍ଡ ଥିଲେ ମଧ୍ୟ ଏହାର କୌଣସି କାର୍ଯ୍ୟକାରିତା ହେଉ ନାହିଁ ବୋଲି କୁହାଯାଉଛି।