ରଣପୁର,୧୫।୮(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଥାନା ସୁନାଖଳା ଫାଣ୍ଡି ନରେନ୍ଦ୍ରପୁର ପଞ୍ଚାୟତ ଡିହଗଁାରେ ମଙ୍ଗଳବାର ବିଳମ୍ବିତ ରାତିରେ ଚୋରି ଉଦ୍ୟମ କରି ଖସି ପଳାଉଥିବାବେଳେ ୩ ଚୋର ଧରାପଡିଛନ୍ତିି। ଏମାନେ ହେଲେ ରଣପୁର ଥାନା ଉଆସପାଟଣା ଗଁାର ସେତ ବାରିକ, ପାଇକସାହିର କୃଷ୍ଣ ଖଟେଇ ଓ ବୋଲଗଡ଼ ଥାନା ଖଉରୁଣୀ ଗଁାର ହାଡିଆ ରାଉତରାୟ। ଅଭିମନ୍ୟୁ ବେହେରାଙ୍କ ଘରୁ ଚୋରି ଉଦ୍ୟମବେଳେ ଉକ୍ତ ୩ ଚୋରଙ୍କୁ ଗ୍ରାମବାସୀ ଗୋଡ଼େଇ ଗୋଡ଼େଇ ପିଟିିବା ସହ ଗ୍ରାମରେ ଅଟକ ରଖିଥିଲେ। ବୁଧବାର ପୂର୍ବାହ୍ନରେ ଗାଁରେ ପୋଲିସ ପହଞ୍ଚତ୍ଥିବାବେଳେ ଗ୍ରାମବାସୀ ଏମାନଙ୍କୁ ହସ୍ତାନ୍ତର କରିଛନ୍ତି। ସ୍ଥାନୀୟ ଲୋକେ ଜଣେ ଅଭିଯୁକ୍ତଙ୍କୁ ନଡ଼ିଆଗଛରେ ବାନ୍ଧି ଦେଇଥିବାବେଳେ ଅନ୍ୟ ୨ ଜଣଙ୍କଠାରୁ ଚୋରି ସମ୍ପର୍କରେ ତଥ୍ୟ ଆଦାୟ କରିଥିଲେ। ସମସ୍ତ ଅଭିଯୁକ୍ତଙ୍କୁ ଅଟକ ରଖି ପୋଲିସ ତଦନ୍ତ ଜାରି ରଖିଛି। ସୂଚନାଯୋଗ୍ୟ ବିଳମ୍ବିତ ରାତିରେ ଚୋରମାନେ ଅଭିମନ୍ୟୁଙ୍କ ଘର କବାଟ ଭାଙ୍ଗି ଭିତରକୁ ପ୍ରବେଶ କରୁଥିବାବେଳେ ପରିବାର ଲୋକେ ଚିତ୍କାର କରିବାରୁ ସେମାନେ ଖସିଯାଉଥିଲେ। କିନ୍ତୁ ଗାଁ ଲୋକଙ୍କ ଦ୍ୱାରା ଧରାପଡ଼ି ଏବେ ପୋଲିସ ଜିମାରେ ରହିଛନ୍ତି। ଦିନକୁ ଦିନ ଏଠାରେ ଚୋରି, ଡକାୟତି ଆଦି ବୃଦ୍ଧି ପାଉଥିବାବେଳେ ପୋଲିସ ନୀରବ ସାଜିଥିବା ଅଭିଯୋଗ ହୋଇଛି।