ରସୁଲପୁର,୨୨।୪(ଡିଏନଏ): ରସୁଲପୁର ବ୍ଲକ ୧୬ନଂ ଜାତୀୟ ରାଜପଥ ପାର୍ଶ୍ୱସ୍ଥ ଏକ ହୋଟେଲ ନିକଟରୁ ଏକ ୧୦ ଚକିଆ ଟ୍ରକ (ନଂ. ଓଆର୦୯ଏଫ୮୧୫୧) ଚୋରି ହୋଇଯାଇଥିଲା। ମଙ୍ଗଳବାର ରାତିରେ ଏନେଇ ଥାନାରେ ଅଭିଯୋଗ ହେବା ପରେ କୁଆଖିଆ ଥାନା ପକ୍ଷରୁ ଖୋଳତାଡ଼ କରାଯାଇଥିଲା। ପୋଲିସ ଏ ସମ୍ପର୍କରେ ଥାନାରେ ଏକ ମାମଲା (ନଂ.୧୩୩/୨୦) ରୁଜୁ କରିଥିଲା। ଟ୍ରକଟି ପାଣିକୋଇଲି ଥାନା ସାହାପୁର ନିକଟସ୍ଥ ରାଜପଥ କଡ଼ରୁ ଜବତ କରି ଟ୍ରକ ଚାଳକଙ୍କୁ ବୁଧବାର କୋର୍ଟଚାଲାଣ କରିଛି। ଅଭିଯୁକ୍ତ ଯାଜପୁର ସଦର ଥାନା ମହେଶ୍ୱରପୁର ପଞ୍ଚାୟତ ବ୍ରାହ୍ମଣବାଚପୁର ଗ୍ରାମର ରିଟୁଲ ମଲିକ(୨୨) ବୋଲି ଜଣାପଡିଛି।