ଛତ୍ରପୁର,୨।୪(ଡି.ଏନ.ଏ.)-ଜାତୀୟ ରାଜପଥରେ ଚାଲି ଚାଲି ଯାଉଥିବା ବେଳେ ପଶ୍ଚିମବଙ୍ଗର ୪ ଶ୍ରମିକଙ୍କୁ ଛତ୍ରପୁର ପୋଲିସ ବୁଧବାର ସନ୍ଧ୍ୟାରେ ଉଦ୍ଧାର । ଏମାନେ ହେଲେ ସାହିନ୍ ଶେଖ୍, ୟାର୍ ହୁସେନ୍, ମିରଜୁଲ୍ ମଣ୍ଡଳ ଓ ମାମିନୁ ମଣ୍ଡଳ। ଏମାନଙ୍କ ଘର ପଶ୍ଚିମବଙ୍ଗ ରାଜ୍ୟ ମୁର୍ଶିଦାବାଦ ଅଞ୍ଚଳରେ ବୋଲି ଜଣାପଡିଛି। ସ୍ବାସ୍ଥ୍ୟ ପରୀକ୍ଷା ପାଇଁ ଛତ୍ରପୁର ହସ୍ପିଟାଲକୁ ଅଣାଯାଇଥିଲା। ଉକ୍ତ ଅଞ୍ଚଳର ୧୨ ଶ୍ରମିକ ଗଞ୍ଜାମ ଜିଲା ବ୍ରହ୍ମପୁର ଆସି ମାସେ ହେଲା ପାଇପ୍ କାମ କରୁଥିଲେ। ପୂର୍ବରୁ ଏମାନଙ୍କ ମଧ୍ୟରୁ ୮ ଜଣ ଘରକୁ ଫେରିଯାଇଛନ୍ତି। ଉକ୍ତ ୪ ଶ୍ରମିକ ଚାଲିଚାଲି ବୁଧବାର ଭୁବନେଶ୍ୱର ଯାଉଥିବା ବେଳେ ପୋଲିସ ଯାଞ୍ଚ ବେଳେ ଏମାନଙ୍କୁ ଉଦ୍ଧାର କରିଥିଲା।
