ଛତ୍ରପୁର,୧।୬(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁରର ବୁଦ୍ଧିଜୀବୀ ଓ ସାମାଜିକ କର୍ମୀଙ୍କ ପକ୍ଷରୁ ସୋମବାର ଅପରାହ୍ନରେ କରୋନା ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯାଇଛି। ସାମାଜିକ କର୍ମୀ ଭାଗୀରଥି ବେହେରାଙ୍କ ନେତୃତ୍ୱରେ ପୂର୍ବତନ ନଗରପାଳ ରାମଚନ୍ଦ୍ର ବେହେରା, ପୋର୍ଟ ଡକ୍ ୱାର୍କର୍ସ ୟୁନିୟନର ସଭାପତି ଜି ଏରେୟା, ପୂର୍ବତନ ସରପଞ୍ଚ ଟି. କ୍ରିଷ୍ଣା ରେଡ୍ଡୀ, ଗଣପତି ବାରିକ, ମହେଶ ଗୌଡ, ସୁବୋଧ ସୁମନ ସ୍ବାଇଁ ପ୍ରମୁଖ ଏହି କାର୍ଯ୍ୟକ୍ରମର ଆୟୋଜନ କରିଥିଲେ । ଡାକ୍ତର ଚନ୍ଦ୍ର ଶେଖର ମିଶ୍ର, ଜନସ୍ବାସ୍ଥ୍ୟ ଅଧିକାରୀ ବରୁଣ ପାଣିଗ୍ରାହୀ, ନର୍ସ ଶୈଳବାଳା ସି, ବି ନାଗେଶ୍ୱରୀ, କିରଣ କୁମାର ପଣ୍ଡା, ଓକିଲ ସୁବାସ ଚନ୍ଦ୍ର ବେହେରା ଓ ବାବୁ ନାହାକ, ସାମାଜିକ କର୍ମୀ ନରହରି ସ୍ବାଇଁ, ବଳିଆ ବେହେରା, କାଳିଆ ତ୍ରିପାଠୀଙ୍କ ସମେତ ଛତ୍ରପୁରର ଖବରଦାତାମାନଙ୍କୁ କରୋନା ଯୋଦ୍ଧା ଭାବେ ସମ୍ବର୍ଦ୍ଧିତ କରାଯାଇଥିଲା ।
