ହାଇଦ୍ରାବାଦ: ସିନେମାଜଗତରୁ ଗୋଟିଏ ପରେ ଗୋଟିଏ ଦୁଃଖଦ ଖବର ସାମ୍ନାକୁ ଆସୁଛି। ବର୍ଷ ୨୦୨୨ରେ ଅନେକ ତାରକା ଦୁନିଆରୁ ବିଦାୟ ନେଇଛନ୍ତି। ଏହି କ୍ରମରେ ଆଉ ଜଣେ କଳାକାର ଆତ୍ମହତ୍ୟା କରିଥିବା ଜଣାପଡ଼ିଛି। ତାମିଲ ଫିଲ୍ମ ଏବଂ ଟେଲିଭିଜନ ଧାରାବାହିକର ଜଣାଶୁଣା ଅଭିନେତା ଲୋକେଶ ରାଜେନ୍ଦ୍ରନ ମାତ୍ର ୩୪ ବର୍ଷ ବୟସରେ ଚରମ ନିଷ୍ପତ୍ତି ନେଇ ପ୍ରଶଂସକଙ୍କୁ ଚମକାଇଛନ୍ତି।
ଲୋକେଶ ନିଜର ବୈବାହିକ ଜୀବନକୁ ନେଇ ଚିନ୍ତାରେ ଥିଲେ। ସେ ବିବାହିତ ଥିବା ବେଳେ ତାଙ୍କର ଦୁଇଟି ସନ୍ତାନ ଅଛନ୍ତି। ହେଲେ କିଛି ମାସ ମଧ୍ୟରେ ଲୋକେଶ ଏବଂ ତାଙ୍କ ସ୍ତ୍ରୀଙ୍କ ମଧ୍ୟରେ ଭୁଲ ବୁଝାବଣା ହୋଇଥିଲା। ଏହି କାରଣରୁ ତାଙ୍କ ସ୍ତ୍ରୀ ଚାରିଦିନ ପୂର୍ବେ ଲୋକେଶଙ୍କୁ ଛାଡ଼ପତ୍ର କାଗଜ ପଠାଇଥିଲେ। ଏହାକୁ ନେଇ ସେ ଚିନ୍ତାଗ୍ରସ୍ତ ରହୁଥିଲେ। ମଦ ବି ସେ ପିଇବା ସହ ଚେନ୍ନାଇ ମୁଫସିଲ ବସ୍ ଟର୍ମିନାଲରେ ଶୋଉଥିଲେ। ସୋମବାର ତାଙ୍କୁ କିଛି ଯାତ୍ରୀ ଦେଖି ସେ ଅସୁସ୍ଥ ଥିବା ଅନୁମାନ କରିଥିଲେ। ଏହାପରେ ତାଙ୍କୁ ଆମ୍ବୁଲାନ୍ସ ଯୋଗେ ରାଜକୀୟ କିଲପୌକ ମେଡିକାଲ କଲେଜ ଏବଂ ହସ୍ପିଟାଲକୁ ନିଆଯାଇଥିଲା। ସେଠାରେ ଅକ୍ଟୋବର ୪ ମଙ୍ଗଳବାର ରାତିରେ ତାଙ୍କର ନିଧନ ହୋଇଯାଇଛି।
ତେବେ ଏହି ମାମଲାରେ ପୋଲିସ ସିଆର୍ପିସିର ଧାରା ୧୭୪ ଅନୁଯାୟୀ କେସ୍ ରୁଜୁ କରିଛି। ଲୋକେଶ ଜଣେ ଶିଶୁ କଳାକାର ଭାବେ ଖ୍ୟାତି ଅର୍ଜନ କରିଥିଲେ। ଏହାପରେ ଅଭିନେତା ଭାବେ ୧୫୦ରୁ ଅଧିକ ଧାରାବାହିକ ସହ ୧୫ରୁ ଅଧିକ ଫିଲ୍ମରେ କାମ କରିଛନ୍ତି।