କଟକ ରୋଡ଼, ୫।୭(ଡି.ଏନ୍.ଏ.): ଲକ୍ଷ୍ମୀସାଗର ଥାନା ଅଞ୍ଚଳରେ ରହୁଥିବା ଜଣେ ରୋଷେୟାଙ୍କର ଗୁରୁବାର ବିଳମ୍ବିତ ରାତିରେ ଛାତରୁ ପଡ଼ିଯିବାରୁ ମୃତ୍ୟୁ ଘଟିଛି। ସେ ହେଲେ କଟକ ଜିଲା ନରସିଂହପୁର ଅଞ୍ଚଳର ସଞ୍ଜୟ ନାୟକ(୨୩)।
ପ୍ରକାଶ ଯେ, ନରସିଂହ ବମିଖାଲ ଅଞ୍ଚଳର ଏକ ଫାଷ୍ଟଫୁଡ୍ ଦୋକାନରେ ରୋଷେୟା ଭାବେ କାମ କରୁଥିଲେ। ଗୁରୁବାର ବିଳମ୍ବିତ ରାତିରେ ସେ ବମିଖାଲରେ ରହୁଥିବା ଘର ଛାତ ଉପରେ ଅନ୍ୟ ଜଣେ ବନ୍ଧୁଙ୍କ ସହ ବସିଥିଲେ। ତେବେ ଅସାବଧାନତା ଯୋଗେ ତଳକୁ ପଡ଼ିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। ପୋଲିସ ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି।