ଖୋର୍ଦ୍ଧା ଅଫିସ,୧୬।୧: ଖୋର୍ଦ୍ଧା ଜିଲା ବେଗୁନିଆ ବ୍ଲକ କଣ୍ଟାବାଡ଼ ରମାମଣି ମହାବିଦ୍ୟାଳୟରେ ଅଧ୍ୟାପକଙ୍କ କାରନାମା ପଦାରେ ପଡ଼ିଛି। ସେ ଛାତ୍ରୀଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରୁଥିବା ଅଭିଯୋଗ ହେଉଥିବାବେଳେ ଗୁରୁବାର ଜଣେ ଛାତ୍ରଙ୍କ ଆଙ୍ଗୁଳିକୁ କାମୁଡ଼ି ରକ୍ତାକ୍ତ କରିଥିବା ଜଣାପଡିଛି। କଲେଜ କର୍ତ୍ତୃପକ୍ଷ ଉକ୍ତ ଅଧ୍ୟାପକଙ୍କୁ ଏକ କ୍ଲାସ ରୁମ୍ରେ ତାଲା ପକାଇବା ପରେ ପୋଲିସକୁ ଖବର ଦେଇଥିଲେ। କଲେଜରେ ବେଗୁନିଆ ପୋଲିସ ପହଞ୍ଚି ଉକ୍ତ ଅଧ୍ୟାପକଙ୍କୁ ନିଜ ହେପାଜତକୁ ଆଣିଛି । ଘଟଣା ଚର୍ଚ୍ଚାର ବିଷୟ ହୋଇଛି।