ଛାତ୍ରୀଛାତ୍ରଙ୍କ ଅଶ୍ଳୀଳ ଭିଡିଓ ଭାଇରାଲ ଅଭିଯୋଗ : ଦୁର୍ବୃତ୍ତଙ୍କ ଗିରଫ ଦାବି କଲେ ଏସ୍‌ଏଚ୍‌ଜି ମହିଳା
7:54 amAugust 10, 2019 / 21

ବାଲେଶ୍ୱର ଅଫିସ, ୧୦ା୮(ଡି.ଏନ.ଏ.)-ବାଲେଶ୍ୱର ଜିଲା ଭୋଗରାଇ ବ୍ଲକ ତାଳସାରୀ ବେଳାଭୂମିର ସୁବର୍ଣ୍ଣପୁର ଗଁ। ପାଖରେ ଥିବା ସମୁଦ୍ରକୂଳକୁ ଯାଇଥିବା ୨ଜଣ କଲେଜ ଛାତ୍ରୀ ଓ ଛାତ୍ରଙ୍କୁ ଦୁର୍ବୃତ୍ତମାନେ ସେମାନଙ୍କ ସହ ଅସଦାଚରଣ କରିବା ସହ ଅଶ୍ଳୀଳ ଭିଡିଓ ଭାଇରାଲ କରିଥିବା ଥାନାରେ ଅଭିଯୋଗ ହୋଇଛି। ମା’ ମହାମାୟା ଏସ୍‌ଏଚଜି ମହିଳାମାନେ ଅଭିଯୋଗ କରିବା ସହ ଦୁର୍ବୃତ୍ତମାନଙ୍କୁ ଗିରଫ ଦାବି କରିଛନ୍ତି। ଏ ସମ୍ପର୍କରେ ଜଳେଶ୍ୱର ଏସ୍‌ଡିପିଓ ସୁଦର୍ଶନ ଦାସଙ୍କୁ ପଚରାଯିବାରୁ ଏସ୍‌ଏଚ୍‌ଜି ମହିଳାଙ୍କ ଦ୍ୱାରା ଅଭିଯୋଗ ହସ୍ତଗତ ହୋଇଛି। କିନ୍ତୁ ଅସଦାଚରଣ ଶିକାର ହୋଇଥିବା ଛାତ୍ରୀଛାତ୍ର କୌଣସି ଅଭିଯୋଗ କରିନାହାନ୍ତି। ଏନେଇ ତଦନ୍ତ ଜାରି ରହିଛି।