ବଲାଙ୍ଗୀର ଅଫିସ, ୧୨ା୨ – ବଲାଙ୍ଗୀର ଜିଲା ଗସ୍ତରେ ଆସିଥିବା ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ମଙ୍ଗଳବାର ସ୍ଥାନୀୟ ଡିଇଓ ଅଫିସରେ ଅନୁଷ୍ଠିତ ପ୍ରଧାନଶିକ୍ଷକ ସମ୍ମିଳନୀରେ ଯୋଗଦେବା ପରେ ହଠାତ୍ ନିକଟସ୍ଥ ସରକାରୀ ପ୍ରାକ୍ଟିସିଂ ପ୍ରାଥମିକ ବିଦ୍ୟାଳୟ ପରିଦର୍ଶନରେ ଯାଇଥିଲେ ା ମନ୍ତ୍ରୀ ପହଞ୍ଚତ୍ବା ବେଳେ ଛାତ୍ରୀଛାତ୍ରମାନେ ମଧ୍ୟାହ୍ନଭୋଜନ କରିବାକୁ ବାରଣ୍ଡାରେ ବସିଥିଲେ ା ଦିନ ପ୍ରାୟ ୧ଟା ୩୦ ମିନିଟ୍ ହୋଇଯାଇଥିଲେ ମଧ୍ୟ କାହିଁକି ଛାତ୍ରୀଛାତ୍ରଙ୍କୁ ଖାଇବାକୁ ଦିଆଯାଇନାହିଁ ବୋଲି ଶିକ୍ଷୟିତ୍ରୀଙ୍କୁ ପ୍ରଶ୍ନ କରିଥିଲେ ା ସ୍କୁଲ ଭିତର ରୋଷେଇ ଘରେ ପଶି କ’ଣ ରନ୍ଧା ଯାଇଛି ଦେଖିବା ସହ ପାଚିକା ସହ ଆଲୋଚନା କରିଥିଲେ ା ଏହାପରେ ବାରଣ୍ଡାରେ ଖାଇବାକୁ ବସିଥିବା ଛାତ୍ରୀଛାତ୍ରଙ୍କ ସହ ତଳେ ବସି ଏଠାରେ ମଧ୍ୟାହ୍ନ ଭୋଜନ କରିବା ବୋଲି କହିଥିଲେ ା ମନ୍ତ୍ରୀ ଦାଶଙ୍କ ସହ ଜିଲାପାଳ ଅରିନ୍ଦମ୍ ଡାକୁଆ ଓ ଡିଇଓ ଧ୍ରୁବଚରଣ ବେହେରା ମଧ୍ୟ ବସି ଛାତ୍ରୀଛାତ୍ରଙ୍କ ସହ ମଧ୍ୟାହ୍ନଭୋଜନ କରିଥିଲେ ା ଭାତ ସହ ସୋୟାବିନ୍ ଆଳୁ ତରକାରୀ ଖାଇ ଏହାର ମାନ ଠିକ୍ ଥିବା ଓ ସୁସ୍ବାଦୁ ହୋଇଥିବା କହିଥିଲେ ା ଖାଦ୍ୟର ଏଭଳି ମାନ ସବୁଦିନ ବଜାୟ ରଖିବାକୁ ମନ୍ତ୍ରୀ ଦାଶ ଶିକ୍ଷୟିତ୍ରୀ ଓ ପାଚିକାଙ୍କୁ କହିଥିଲେ ା