ବ୍ରହ୍ମପୁର ଅଫିସ,୨୫ା୮-ରାଜ୍ୟ ଉଚ୍ଚଶିକ୍ଷା ବିଭାଗ ପକ୍ଷରୁ ଚଳିତ ବର୍ଷ ଛାତ୍ର ସଂସଦ ନିର୍ବାଚନ ବାତିଲ ଘୋଷଣା ପରେ ଏବେ ବିଭିନ୍ନ ଛାତ୍ର ସଂଗଠନ ଓ ଛାତ୍ରୀଛାତ୍ରମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏହାକୁ ବିରୋଧ କରି ଛାତ୍ରୀଛାତ୍ର ଓ ଛାତ୍ର ସଂଗଠନ ଆନ୍ଦୋଳନକୁ ଓହ୍ଲାଇଛନ୍ତି। ଶନିବାର ଅଖିଳ ଭାରତ ବିଦ୍ୟାର୍ଥୀ ପରିଷଦ(ଏବିଭିପି) ପକ୍ଷରୁ ଏହାକୁ ତୀବ୍ର ବିରୋଧ କରାଯାଇଛି ା ଏବିଭିପି ଛାତ୍ରୀଛାତ୍ରମାନେ ବ୍ରହ୍ମପୁର ବିଶ୍ୱବିଦ୍ୟାଳୟ ମୁଖ୍ୟ ଫାଟକ ଆଗରେ ଛାତ୍ର ସଂସଦ ନିର୍ବାଚନ ବାତିଲକୁ ବିରୋଧ କରି ବିକ୍ଷୋଭ ପ୍ରଦର୍ଶନ କରିବା ସହ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁଙ୍କ କୁଶପୁତ୍ତଳିକା ଦାହ କରିଥିଲେ ା ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗର ଏଭଳି ନିଷ୍ପତ୍ତି ଦ୍ୱାରା ଛାତ୍ରୀଛାତ୍ରଙ୍କ ଗଣତାନ୍ତ୍ରିକ ଅଧିକାର କ୍ଷୁଣ୍ଣ ହୋଇଥିବା ସଂଗଠନ ଅଭିଯୋଗ କରିଛି ା ନିର୍ବାଚନ ଦ୍ୱାରା ଛାତ୍ରୀଛାତ୍ରଙ୍କ ମଧ୍ୟରେ ନେତୃତ୍ୱ ବିକାଶ ହେବା ସହ ନୂତନ ଛାତ୍ରନେତା ସୃଷ୍ଟି ହେଉଥିବାର ବହୁ ଉଦାହରଣ ରହିଛି ା ନିର୍ବାଚନକୁ ବାତିଲ କରି ଛାତ୍ରୀଛାତ୍ରଙ୍କ ଅଧିକାର ଓ ନେତୃତ୍ୱକୁ ସଙ୍କୁଚିତ କରିବାକୁ ରାଜ୍ୟ ସରକାର ପ୍ରୟାସ କରୁଥିବା ସେମାନେ କହିଛନ୍ତି ା ନିର୍ବାଚନ ପାଇଁ ଶୈକ୍ଷିକ ବାତାବରଣ ନଷ୍ଟ ହେଉଥିବା ଦର୍ଶାଇ ଏହାକୁ ବାତିଲ କରିବା ଅତ୍ୟନ୍ତ ନିନ୍ଦନୀୟ ବୋଲି ସଂଗଠନ ପକ୍ଷରୁ କୁହାଯାଇଛି ା ଏବେ ଅନେକ କଲେଜ ନାମରେ ଜମି ନ ଥିବା ବେଳେ ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟରେ ଏବେ ଶିକ୍ଷକ ମରୁଡି ଦେଖାଦେଉଛି ା
ଯାହା ରାଜ୍ୟର ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟର ଶୈକ୍ଷିକ ବାତାବରଣକୁ ପ୍ରଭାବିତ କରୁଛି ା କିନ୍ତୁ ସରକାର ଏଥିପ୍ରତି ଗୁରୁତ୍ୱ ନ ଦେଇ ଛାତ୍ରଙ୍କ ସ୍ବରକୁ ରୁଦ୍ଧ କରିବାକୁ ଛାତ୍ର ସଂସଦ ନିର୍ବାଚନ ବନ୍ଦ କରିଥିବା ସେମାନେ ଅଭିଯୋଗ କରିଛନ୍ତି ା
ନିଜ ଦଳର ଗୋଷ୍ଠୀ କନ୍ଦଳକୁ ଲୁଚେଇବା ଓ ନେତାଙ୍କୁ ତୁଷ୍ଟୀକରଣ କରିବା ପାଇଁ ଏହା ଏକ ଚକ୍ରାନ୍ତ ବୋଲି ସଂଗଠନ ଦାବି କରିଛି ା ଆଗାମୀ ଦିନରେ ସରକାର ଏହାର ପୁନଃ ବିଚାର କରି ନିର୍ବାଚନ କରାଇବା ଦିଗରେ ପଦକ୍ଷେପ ଗ୍ରହଣ ନ କଲେ ରାଜ୍ୟ ବ୍ୟାପୀ ଛାତ୍ର ଆନ୍ଦୋଳନ ହେବ ବୋଲି ଚେତାବନୀ ଦିଆଯାଇଥିଲା ା
ଏହି ବିକ୍ଷୋଭ ସମାବେଶରେ ସଂଗଠନ ରାଜ୍ୟ ସମ୍ପାଦକ ଶାଶିକାନ୍ତ ମିଶ୍ର, ତୁତୁନ ପାତ୍ର, ରଞ୍ଜନ ସେଠୀ, ସୋମନାଥ ପାତ୍ର, ଅକ୍ଷୟ ପ୍ରଧାନ, ଅନନ୍ତ ପ୍ରଧାନ, ମାତାପ୍ରସାଦ ନାୟକ, ଦିନେଶ ମିଶାଲ ପ୍ରମୁଖ ସାମିଲ ହୋଇଥିଲେ ା