ଛତ୍ରପୁର,୨୯ା୪(ଡି.ଏନ୍.ଏ.) : ଗଞ୍ଜାମ ଜିଲା ଚମାଖଣ୍ଡି ଥାନା ମାଟିଖାଲ ଗାଁରେ ବୁଧବାର ଏକ ଅଭାବନୀୟ ଘଟଣା ଘଟିଛି। ଭୋର୍ ସମୟରେ ମା ଓ ପୁଅ ଶୋଇଥିବା ବେଳେ ଘରର ଛାତ ତାଙ୍କ ଉପରେ ଖସି ପଡ଼ିଯାଇଥିଲା। ପରେ ମା’ ପୁଅଙ୍କୁ ଉଦ୍ଧାର କରି ବ୍ରହ୍ମପୁର ବଡ଼ ମେଡିକାଲକୁ ନିଆଯାଇଥିଲା। ସେଠାରେ ଡାକ୍ତର ଶିଶୁପୁତ୍ରଟିକୁ ମୃତ ଘୋଷଣା କରିଥିବା ବେଳେ ମା’ ଚିକିତ୍ସିତ ହେଉଛନ୍ତି।
ସୂଚନାଯୋଗ୍ୟ, ଖୋର୍ଦ୍ଧା ଜିଲା ଢୋଲିଆ ସାହି ଗାଁର ଭିକାରୀ ପ୍ରଧାନଙ୍କ ୨ ବର୍ଷର ପୁଅ ଚନ୍ଦନଜିତ୍ଙ୍କୁ ନେଇ ସ୍ତ୍ରୀ ଗୀତାଞ୍ଜଳି ତାଙ୍କ ବାପଘର ଗଞ୍ଜାମ ଜିଲା ମାଟିଖାଲ ଗାଁରେ ରହିଆସୁଥିଲେ। ଲକ୍ଡାଉନ୍ ଯୋଗୁ ସେ ଶାଶୁଘରକୁ ଫେରିପାରି ନ ଥିଲେ।
