ଛେଣ୍ଡିପଦା,୨୭।୫(ସ୍ବ.ପ୍ର): ଛେଣ୍ଡିପଦା ବ୍ଲକ ସଦରମହକୁମାରେ କାଳବୈଶାଖୀ ପ୍ରଭାବରେ ସୋମବାର ଅପରାହ୍ନରେ ବିଜୁଳି ସାଙ୍ଗକୁ ପ୍ରବଳ ବର୍ଷା ପବନ ହୋଇଥିଲା। ଏଥିରେ କେହି ଆହତ ହୋଇ ନ ଥିବାବେଳେ ପ୍ରବଳ ପବନ ପ୍ରଭାବରେ ଛେଣ୍ଡିପଦା ଚନ୍ଦନଯାତ୍ରା ନିମନ୍ତେ ନିର୍ମିତ ସୁଉଚ୍ଚ ତୋରଣଟି ଭାଙ୍ଗିଯାଇଥିଲା। ସେହିପରି କାଳବୈଶାଖୀ ପ୍ରଭାବରେ ଛେଣ୍ଡିପଦା, ପୋଡାପଡା, ବାଗଡିଆ, ଖମାର, ପିପଳବାହାଳ, ପାତ୍ରପଡ଼ା, ଟାଙ୍ଗିର, ପାଟକମୁଣ୍ଡା, ଖମାର ଆଦି ଗ୍ରାମ ଗୁଡିକରେ ବର୍ଷା ପବନ ସାଙ୍ଗକୁ ଘଡ଼ଘଡ଼ି ମାରିଥିଲା। ସେହିପରି ଛେଣ୍ଡିପଦା ବ୍ଲକର ଜରପଡା ଅଞ୍ଚଳରେ ଅପରାହ୍ନରେ ପ୍ରାୟ ୧ ଘଣ୍ଟାଧରି ଝଡତୋଫାନ ସହିତ କୁଆ ପଥର ବର୍ଷା ହୋଇଥିଲା। ଫଳରେ ଜରପଡା, କୁମୁରସିଂ, ଜେରେଙ୍ଗ କତଡା ଆଦି ଅଞ୍ଚଳର ବିଭିନ୍ନ ସ୍ଥାନରେ ଗଛ ଭାଙ୍ଗି ରାସ୍ତାରେ ପଡିଛି। ଏଥିରେ କେହି ଆହତ ହୋଇ ନ ଥିବା ଜଣାପଡିଛି।