ବନ୍ତଳା,୧୪।୧୦(ଡି.ଏନ୍.ଏ.) : ଅନୁଗୋଳ ବନଖଣ୍ଡ ବନ୍ତଳା ରେଞ୍ଜ ତଳଗଡ଼ ପଞ୍ଚାୟତ ରଗୁଡ଼ିଆପଡା ଗ୍ରାମର ଅମରି ଦେହୁରୀଙ୍କର ଛେଳିକୁ ରବିବାର ଅପରାହ୍ନରେ ଏକ ଅଜଗର ଗିଳି ଦେଇଛି। ଖବର ପାଇ ବନ କର୍ମଚାରୀ ଓ ସ୍ଥାନୀୟ ଲୋକମାନେ ପହଞ୍ଚିବା ସମୟରେ ଅଜଗର ସାପ ଛେଳିକୁ ଅଧା ଗିଳି ବାହାର କରିଦେଇଥିଲା। ଏଥିରେ ଛେଳିଟିର ମୃତ୍ୟୁ ଘଟିଛି। ଅମରି ସବୁଦିନ ନିଜର ୨୫ରୁ ୩୦ ଛେଳି ଧରି ଚରାଇବା ପାଇଁ ନିକଟସ୍ଥ ଜଙ୍ଗଲକୁ ଯାଇଥା’ନ୍ତି। ଏଥିରେ ତାଙ୍କର ପରିବାର ପ୍ରତିପୋଷଣ କରିଥା’ନ୍ତି। ସୋମବାର ଅମରି ରେଞ୍ଜ ଅଧିକାରୀଙ୍କ ନିକଟରେ ସହାୟତା ପାଇଁ ନିବେଦନ କରିଛନ୍ତି।