ଦେବଗଡ଼,୮ା୫(ଡି.ଏନ୍.ଏ.): ଦେବଗଡ଼ ବନଖଣ୍ଡ ରିଆମାଳ ରେଞ୍ଜ ଲକ୍ଷ୍ମୀପୁର ବିଟ୍ ଅଧୀନ ବାବାଜୀମଠ ସଂରକ୍ଷିତ ଜଙ୍ଗଲ ମଧ୍ୟରୁ ବନ ବିଭାଗ କର୍ମଚାରୀମାନେ ଜଣେ ଶିକାରୀଙ୍କୁ କାବୁ କରିବା ସହ ତାଙ୍କ ନିକଟରୁ ଗୋଟିଏ ଦେଶୀ ବନ୍ଧୁକ ଓ ୩ଟି ଜନ୍ତୁଧରା ଫାଶ ଜବତ କରିଛନ୍ତି। ଲକ୍ଡାଉନର ସୁଯୋଗ ନେଇ ପଳସମା ଫରେଷ୍ଟ ସେକ୍ସନ ଅଧୀନ ବାବାଜୀମଠ ସଂରକ୍ଷିତ ଜଙ୍ଗଲ ମଧ୍ୟରେ ଜନ୍ତୁ ଶିକାର ପାଇଁ ଜାଲ ବିଛାଯାଇଥିବା କୌଣସି ସୂତ୍ରରୁ ସୂଚନା ପାଇ ବନ ବିଭାଗ ପକ୍ଷରୁ ପାଟ୍ରୋଲିଂ ଚାଲିଥିଲା। ଏହି ସମୟରେ ଉକ୍ତ ଜଙ୍ଗଲ ମଧ୍ୟରେ ଜନ୍ତୁଧରା ଫାଶ ଖଞ୍ଜୁଥିବା ଟିଙ୍କବୀର ଗ୍ରାମର ବାବୁଲି ବେହେରାଙ୍କୁ ବନ ବିଭାଗ କର୍ମଚାରୀମାନେ କାବୁ କରିବା ସହ ତାଙ୍କ ନିକଟରୁ ଏକ ଦେଶୀ ବନ୍ଧୁକ ଓ ଜନ୍ତୁ ଶିକାର ପାଇଁ ବ୍ୟବହୃତ ୩ଟି ଫାଶ ଜବତ କରଥିବା ଜଣାପଡ଼ିଛି।