କୁଜଙ୍ଗ,୧୭ା୯(ସ୍ବ.ପ୍ର): ଜିଲାପାଳଙ୍କ ଜନଅଭିଯୋଗ ଶୁଣାଣିରେ ବିଭିନ୍ନ ଅଧିକାରୀଙ୍କୁ ଦିଆଯାଉଥିବା ଅଭିଯୋଗଗୁଡ଼ିକ ମଧ୍ୟରୁ ଅତିକମ୍ରେ ୬୦ଭାଗ ସମାଧାନ କରିବାକୁ ହେବ। ନ ହେଲେ ସମ୍ପୃକ୍ତ ଅଧିକାରୀଙ୍କ ଦରମା ବନ୍ଦ କରାଯିବ। ସୋମବାର କୁଜଙ୍ଗ ସୂଚନା ଭବନ ସମ୍ମୁଖରେ ଅୟୋଜିତ ଜିଲାପାଳଙ୍କ ଜନଶୁଣାଣି ଶିବିରରେ ଜିଲାପାଳ ସଂଗ୍ରାମ କେଶରୀ ମହାପାତ୍ର ଯୋଗଦେଇ ଏହି ସୂଚନା ଦେଇଛନ୍ତି। ମହାପାତ୍ର କହିଲେ, ମୁଖ୍ୟମନ୍ତ୍ରୀ ବିଭିନ୍ନ ଅଞ୍ଚଳର ଜନଶୁଣାଣି ଓ କାର୍ଯ୍ୟାନୁଷ୍ଠାନ ଉପରେ ଅଧିକ ଗୁରୁତ୍ୱାରୋପ କରି ଜିଲାପାଳମାନଙ୍କ ସହ ଆଲୋଚନା କରିଛନ୍ତି। ଜଗତ୍ସିଂହପୁର ଜିଲାର କୁଜଙ୍ଗ, ତିର୍ତୋଲ, ରଘୁନାଥପୁର, ଜଗତ୍ସିଂହପୁର, ଏରସମା, ବାଲିକୁଦା ଅଞ୍ଚଳର ଅଧିକାରୀମାନେ ଅଭିଯୋଗ ପାଇ ଠିକ୍ ସମୟରେ କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି। ସମସ୍ତ ଅଭିଯୋଗ ଗୁଡିକର ନ କଲ ଜିଲାପାଳଙ୍କ କମ୍ପ୍ୟୁଟରରୁ ଅଫିସରମାନେ ଚାହିଁଲେ ଦେଖିପାରିବେ। ୬୦ଟି ଅଫିସ ଜିଲାପାଳଙ୍କୁ ଏ ପର୍ଯ୍ୟନ୍ତ କୌଣସି ଉତ୍ତର ଦେଇ ନାହାନ୍ତି। ୨ଟି ଅଭିଯୋଗ ପାଇଥିଲେ ଗୋଟିଏ ଓ ତିନୋଟି ପାଇଥିଲେ ଦୁଇଟି ଅଭିଯୋଗ ଅଧିକାରୀମାନେ ସମାଧାନ କରିବାକୁ ପଡ଼ିବ।
ଜନଶୁଣାଣିରେ ଏସ୍ପି ପ୍ରଭାସ ରଙ୍ଗରାଜ, ଅତିରିକ୍ତ ଜିଲାପାଳ କାହ୍ନୁଚରଣ ଧୀର, ଉପଜିଲାପାଳ ହେମେନ୍ଦ୍ରନାଥ ମହାନ୍ତି, ତହସିଲଦାର ରମେଶ ଚନ୍ଦ୍ର ପଣ୍ଡା, ଅତିରିକ୍ତ ବିଡିଓ ସନ୍ତୋଷ ଶତପଥୀଙ୍କ ସମେତ ବିଭିନ୍ନ ବିଭାଗ ଅଧିକାରୀ ଯୋଗଦେଇ ଅଭିଯୋଗ ଶୁଣିଥିଲେ। କୁଜଙ୍ଗ ବରିଷ୍ଠ ନାଗକରିକ ମଞ୍ଚ ପକ୍ଷରୁ ଆର୍ଟିଓ ଅଫିସ ଖୋଲାଯିବା ଓ ଜଗନ୍ନାଥପୁର ମୌଜା ମଧ୍ୟରେ ରାସ୍ତା ଜବରଦଖଲ କରିଥିବା ବ୍ୟକ୍ତିଙ୍କୁ ସ୍ଥାନାନ୍ତର ପାଇଁ ମହିଳାମାନେ ଜିଲାପାଳଙ୍କୁ ଲିଖିତଭାବେ ଜଣାଇଥିଲେ। ଶିବିରରେ ମୋଟ ୧୭୩ ଅଭିଯୋଗ କରାଯାଇଥିଲା। ସେଥିରୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠି ସମନ୍ଧୀୟ ୩, ଗ୍ରାମ ସମସ୍ୟା ୨୭, ରେ୍ଡକ୍ରସ୨, ବିଜୁ ପକାଘର୬୧, ସାଧାରଣ ବଣ୍ଟନ ବ୍ୟବସ୍ଥା ୧୮, ବାର୍ଦ୍ଧକ ଭତ୍ତା ୭, ବିଦ୍ୟୁତ ୧, ଜମିଜମା ୮, ଆଇନଗତ ଅଭିଯୋଗ ୩, କାଳିଆ ଯୋଜନା ୨, ଅନ୍ୟ ୩୬ଟି ଅଭିଯୋଗ ରହିଥିଲା। ଜିଲାପାଳ ୫ଟି ମାମଲାର ସମାଧନ କରିଥିଲେ।