ରାମନାଥପୁରମ୍,୧୮।୯: ତାମିଲନାଡୁରେ ଏକ ଜନଶୁଣାଣିରେ ଘଟିଛି ଅଭାବନୀୟ ଘଟଣା। ଏଠାରେ ଜଣେ ୭୦ ବର୍ଷ ବୟସ୍କ ବୃଦ୍ଧ ମଲାୟସାମୀ ନିଜ ଫଟୋ ସହିତ ସ୍ବର୍ଣ୍ଣ ପଦକ ବିଜେତା ବ୍ୟାଡ଼ମିଣ୍ଟନ ଖେଳାଳି ପି.ବି.ସିନ୍ଧୁଙ୍କ ଫଟୋ ଧରି ବିବାହ ଲାଗି ସ୍ବୀକୃତି ଦେବାକୁ ଜିଲାପାଳଙ୍କ ନିକଟରେ ଆବେଦନ କରିଛନ୍ତି। ବୟସର ତାରତମ୍ୟ ଦୃଷ୍ଟିରୁ ଏହି ଆବେଦନକୁ ଖାରଜ କରାଯିବାରୁ ବୃଦ୍ଧ ଜଣକ କହିଛନ୍ତି ଯେ, ସେ ୨୦୦୪ ଏପ୍ରିଲ୍ ୪ରେ ଜନ୍ମ ହୋଇଛନ୍ତି। ଏବେ ତାଙ୍କର ବୟସ ୧୬ ବର୍ଷ। ଜିଲାପାଳଙ୍କ କାର୍ଯ୍ୟାଳୟ ପକ୍ଷରୁ ବୃଦ୍ଧଙ୍କ ଆବେଦନ ଖାରଜ କରାଯିବା ସହିତ କୁହାଯାଇଛି ଯେ, ସମ୍ପୃକ୍ତ ବୃଦ୍ଧଙ୍କ ମାନସିକ ସ୍ଥିତି ଠିକ୍ ନାହିଁ। ତେବେ ବୃଦ୍ଧ ଜଣକ ଏନେଇ ଧମକ ଦେଇଛନ୍ତି। ତାଙ୍କ ଆବେଦନକୁ ସ୍ବୀକୃତି ନ ମିଳିଲେ ସେ ସିନ୍ଧୁଙ୍କୁ ବାଧ୍ୟ ହୋଇ ଅପହରଣ କରିବେ ବୋଲି ଧମକ ଦେଇଛନ୍ତି। ଏହାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜାରି ରହିଛି।