ଲଣ୍ଡନ,୧୯।୮(ପିଟି): ପୂର୍ବତନ ଅଷ୍ଟ୍ରେଲିଆ ପେସର ମିଚେଲ ଜନସନ ମାରିଲେବୋନ କ୍ରିକେଟ କ୍ଲବ (ଏମ୍ସିସି) ସମ୍ମାନଜନକ ଆଜୀବନ ସଦସ୍ୟ ଭାବେ ମନୋନୀତ ହୋଇଛନ୍ତି। ଅଷ୍ଟ୍ରେଲିଆ ଓ ଇଂଲଣ୍ଡ ମଧ୍ୟରେ ଚାଲିଥିବା ଲଡର୍ସ ଟେଷ୍ଟବେଳେ କ୍ରିକେଟ ନିୟମ ସୁରକ୍ଷାକାରୀ କ୍ଲବ ପକ୍ଷରୁ ଘୋଷଣା କରାଯାଇଛି। ଜନସନ ୭୩ ଅନ୍ତର୍ଜାତୀୟ ଟେଷ୍ଟ ଖେଳି ୨୮.୪୦ ଆଭରେଜରେ ୩୧୩ ଉଇକେଟ ନେଇଥିଲେ। ମୁଁ ଚମତ୍କାର ଅନୁଭବ କରୁଛି। ଲଡର୍ସଠାରେ ଆଜୀବନ ସଦସ୍ୟ ପାଇବି ବୋଲି କଦାପି ଚିନ୍ତା କରି ନ ଥିଲି। ଏହି ସମ୍ମାନ ପାଇବା ପରେ ମୁଁ ଗର୍ବିତ ଅନୁଭବ କରୁଛି ବୋଲି ଜନସନ କହିଛନ୍ତି। ସ୍ପିଡଷ୍ଟାର ୨୦୦୫ରୁ ୨୦୧୫ ମଧ୍ୟରେ ୧୫୩ ଅନ୍ତର୍ଜାତୀୟ ଦିନିକିଆ ଖେଳି ୨୩୯ ଉଇକେଟ ନେଇଥିଲେ। ୨୦୦୭ ଓ ୨୦୧୫ ବିଶ୍ୱକପ୍ ଚାମ୍ପିୟନ ଦଳର ସେ ସଦସ୍ୟ ଥିଲେ।