ମେଲବୋର୍ନ, ୮।୩- ଆୟୋଜକ ଅଷ୍ଟ୍ରେଲିଆ ଓ ଭାରତ ମଧ୍ୟରେ ରବିବାର ସ୍ଥାନୀୟ ମେଲବୋର୍ନ କ୍ରିକେଟ୍ ଗ୍ରାଉଣ୍ଡ (ଏମ୍ସିଜି)ରେ ଆଇସିସି ମହିଳା ଟି୨୦ ବିଶ୍ୱକପ୍ ଫାଇନାଲ ମ୍ୟାଚ୍ ଖେଳାଯିବ। ଭାରତୀୟ ଦଳର ଅଧିନାୟିକା ହର୍ମନପ୍ରୀତ୍ କୌରଙ୍କ ୩୧ତମ ଜନ୍ମଦିନ ରବିବାର ପଡ଼ୁଥିବାରୁ ତାଙ୍କ ପାଇଁ ଏହି ମ୍ୟାଚ୍ ବେଶ୍ ସ୍ବତନ୍ତ୍ର ରହୁଛି। ଅଷ୍ଟ୍ରେଲିଆକୁ ହରାଇ ଭାରତକୁ ପ୍ରଥମଥର ଟି୨୦ ବିଶ୍ୱକପ୍ ଚାମ୍ପିୟନ କରାଇବା ସହ ଜନ୍ମଦିନକୁ ଅଧିକ ସ୍ମରଣୀୟ କରିବା ଲକ୍ଷ୍ୟରେ ସେ ରହିଛନ୍ତି। ଭାରତୀୟ ମହିଳା କ୍ରିକେଟ୍ ଦଳର ଏହି ପ୍ରମୁଖ ବ୍ୟାଟ୍ସଓମ୍ୟାନ ପଞ୍ଜାବର ମୋଗା ସହରରେ ୮ ମାର୍ଚ୍ଚ ୧୯୮୯ରେ ଜନ୍ମ ଗ୍ରହଣ କରିଥିଲେ। ପ୍ରଥମ ଭାରତୀୟ ଅଧିନାୟିକା ଭାବେ ହର୍ମନପ୍ରୀତ୍ ଭାରତୀୟ ଦଳକୁ ଆଇସିସି ମହିଳା ଟି୨୦ ବିଶ୍ୱକପ୍କୁ ଫାଇନାଲରେ ପ୍ରବେଶ କରିବାରେ ସଫଳ ହୋଇଛନ୍ତି। ହର୍ମନପ୍ରୀତ୍ଙ୍କ ପରିବାର ମଧ୍ୟ ଷ୍ଟାଡିୟମରେ ଉପସ୍ଥିତ ରହି ତାଙ୍କ ଖେଳକୁ ଉପଭୋଗ କରିବେ।
