ପରିବେଶ ପ୍ରଦୂଷଣ ଯୋଗୁ ଶିଶୁମାନଙ୍କର ରୋଗ ପ୍ରତିଶେଧକ ଶକ୍ତି କମି କମି ଯାଉଛି ବୋଲି ଶିଶୁରୋଗ ବିଶେଷଜ୍ଞ ମତ ଦିଅନ୍ତି। ତେଣୁ ଶିଶୁଙ୍କୁ ଟିକାକରଣ ଜରୁରୀ ଅଟେ। ଫଳରେ ସେମାନଙ୍କର ରୋଗ ପ୍ରତିଶେଧକ ଶକ୍ତି ବୃଦ୍ଧି ପାଇବ। ଜାଣନ୍ତୁ ଜନ୍ମରୁ ୫ ବର୍ଷର ଶିଶୁଙ୍କୁ କେଉଁ ଟିକା ଦିଆଯିବା ଜରୁରୀ।
ଟିଟାନସ ଟକ୍ସାଇଡ୍-୧ :
ଗର୍ଭବତୀମାନେ ଟିଟାନସ ଟକ୍ସାଇଡ୍-୧ ନେବା ଜରୁରୀ। ବୁଷ୍ଟର ଟିକା ଏବଂ ଦ୍ୱିତୀୟ ଟିକା ଗୋଟିଏ ମାସ ଭିତରେ ନେଲେ ଗର୍ଭସ୍ଥ ଶିଶୁଟିର ରୋଗ ପ୍ରତିଶେଧକ କ୍ଷମତା ବଢ଼ିଥାଏ।
ହେପା ଟାଇଟିସ୍ ବି:
ହେପାଟାଇଟିସ୍ ବି ଭାଇରସ ଯୋଗୁ ଲିଭର ସଂକ୍ରମିତ ହୋଇଥାଏ। ଏହି ଟିକା ବହୁତ ଜରୁରୀ। ନଚେତ୍ ଲିଭର କ୍ୟାନ୍ସର ହେବାର ସମ୍ଭାବନା ରହିଥାଏ।
ଡିପିଟି:
ଏହି ଟିକା ନେଲେ ଶିଶୁଙ୍କୁ ଡିପ୍ଥେରିଆ, ପର୍ଟୁସିସ୍ ଏବଂ ଟିଟାନସରୁ ରକ୍ଷା ମିଳିଥାଏ।
ପୋଲିଓ:
ଏହି ଟିକା ପୋଲିଓ ନାମକ ଏକ ରୋଗ ପାଇଁ ଶିଶୁଙ୍କୁ ଦିଆଯାଇଥାଏ। ଜନ୍ମରୁ ୫ ବର୍ଷର ଶିଶୁ ଏହି ଟିକା ନେବା ଜରୁରୀ। ନଚେତ୍ ଶିଶୁ ଦିବ୍ୟାଙ୍ଗ ହୋଇଯିବାର ସମ୍ଭାବନା ରହିଥାଏ।
