ବେଙ୍ଗାଲୁର,୧୫।୬: କର୍ନାଟକରେ ଜେଏସ୍ଡବ୍ଲୁ ଭୂମିର ଡିଲକୁ ନେଇ ରାଜନୀତି ସରଗରମ ହୋଇଛି। କର୍ନାଟକର ଜିନ୍ଦଲ ଷ୍ଟିଲ ଗ୍ରୁପ୍କୁ ୩ହଜାର ୬ଶହ ୬୭ ଏକର ଜମି ରାଜ୍ୟସରକାର ବିକ୍ରି କରିବା ନେଇ ନିଷ୍ପତ୍ତି ନେଇଛନ୍ତି। ହେଲେ ଏହାକୁ ବିରୋଧ କରି ଶୁକ୍ରବାର ବେଙ୍ଗାଲୁରର ଆନନ୍ଦରାଓ ସର୍କିଲ ନିକଟରେ ଭାଜପା ପକ୍ଷରୁ ଧାରଣା ଦିଆଯାଇଛି। ଏହି ଧାରଣାରେ କର୍ନାଟକର ଭାଜପା ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ବିଏସ୍ ୟଦିରୁପ୍ପା, ଏମଏଲ୍ଏ ଗୋବିନ୍ଦ କରଜୋଲ, ପୂର୍ବତନ ଉପ ମୁଖ୍ୟମନ୍ତ୍ରୀ ଆର ଅଶୋକ ଓ ଏମ୍ପି ଉମେଶ ଯାଦବ ସାମିଲ ହୋଇଥିଲେ। ୟଦିୁରୁପ୍ପାଙ୍କ ସମେତ ଭାଜପାର ଅନ୍ୟ ନେତାମାନେ ଧାରଣା ଦେଇଥିବା ବେଳେ ରାତିସାରା ଧାରଣାସ୍ଥଳରେ ତଳେ ଶୋଇଥିବା ଦେଖିବାକୁ ମିଳିଛି। ଏହି ଧାରଣା ଶନିବାରକୁ ମଧ୍ୟ ଜାରି ରହିଛି। ସୂଚନାଯୋଗ୍ୟ, କର୍ନାଟକ ସରକାର ଜାଣିଣୁଣି ଏହି ଜମିକୁ ଶସ୍ତା ଦରରେ ବିକ୍ରି କରୁଛନ୍ତି ବୋଲି ଭାଜପା ଅଭିଯୋଗ କରିଛି। ତେବେ ଏହି ଡିଲ ଫାଇନାଲ ହେଲେ ରାଜ୍ୟ ସରକାର ଲାଭବାନ ହେବେ ବୋଲି ଭାଜପା ଦାବି କରିଛି। ପୂର୍ବରୁ ବିଲୋରି ଜିଲାର ବିଜୟନଗରସ୍ଥିତ ଜମିକୁ ଜେଏସ୍ଡବ୍ଲୁକୁ ଲିଜ୍ରେ ଦେଇଥିଲେ। ହେଲେ ସରକାର ଏବେ ଏହାକୁ ବିକ୍ରି କରିବାକୁ ଚାହୁଁଛନ୍ତି।
