ନୂଆଦିଲ୍ଲୀ,୨୯।୬: ଭାଜପାର ରାଷ୍ଟ୍ରୀୟ ମହାସଚିବ ରାମ ମାଧବ ଜମ୍ମୁ-କଶ୍ମୀର ଆତଙ୍କବାଦକୁ ନେଇ ସିଧା କଂଗ୍ରେସ ଓ ନ୍ୟାଶନାଲ କନଫରେନ୍ସ(ଏନ୍ସି)କୁ ଟାର୍ଗେଟ କରିଛନ୍ତି। ସେ କହିଛନ୍ତି କଂଗ୍ରେସ ଓ ଏନ୍ସି ଜମ୍ମୁ-କଶ୍ମୀରରେ ଆତଙ୍କବାଦର ବୀଜ ବପନ କରିଛନ୍ତି। ଫଳରେ ପାକିସ୍ତାନ ଏହାର ଫାଇଦା ଉଠାଉଛି। ସେ କହିଛନ୍ତି, ଶୁକ୍ରବାର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହ ଲୋକ ସଭାରେ ଯାହା କହିଲେ ତାହା ଐତିହାସିକ ସତ୍ୟ ଥିଲା। କାରଣ କଶ୍ମୀରରେ ସମସ୍ୟା ନେହେରୁଙ୍କ ସମୟରୁ ସ୍ବତନ୍ତ୍ର ଭାରତର ପ୍ରଥମ ସରକାରଙ୍କ ନୀତି ଯୋଗୁ ସୃଷ୍ଟି ହୋଇଥିଲା। ସେଥିପାଇଁ ଜମ୍ମୁ-କଶ୍ମୀର ବିଭାଜନ କଥା ଉଠିଥିଲା। ତେଣୁ ଜମ୍ମୁ-କଶ୍ମୀର ସମସ୍ୟା ପାଇଁ କଂଗ୍ରେସ ଦାୟୀ ହେବା ଦରକାର।