ନୂଆଦିଲ୍ଲୀ,୨୯।୯: ଅନୁଚ୍ଛେଦ ୩୭୦ ଉଚ୍ଛେଦ ପରେ ଜମ୍ମୁ-କଶ୍ମୀରର ସ୍ଥିିତି ସ୍ବାଭାବିକ ହେବାରେ ଲାଗିଛି। ଏଠାରେ ଟେଲିଫୋନ୍ ସେବା ବାଧାପ୍ରାପ୍ତ ହେବାକୁ ମାନବାଧିକାରର ଉଲ୍ଲଂଘନ ବୋଲି କହୁଥିବା ବିରୋଧୀ ଆତଙ୍କବାଦକୁ ପ୍ରଶୟ ଦେଉଥିବା ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ କହିଛନ୍ତି। ଦିଲ୍ଲୀର ଏକ ସଭାରେ ଯୋଗଦେଇ ଶାହ ଏଭଳି ମନ୍ତବ୍ୟ ଦେଇଛନ୍ତି। ଜମ୍ମୁ-କଶ୍ମୀରରେ ଆତଙ୍କବାଦ ଯୋଗୁ ଇତିମଧ୍ୟରେ ୪୧ ହଜାର ୮ ଶହରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ମୃତକଙ୍କ ପରିବାର ବର୍ଗଙ୍କ ପ୍ରତି ବିରୋଧୀଙ୍କ ଦୟା ନ ଥିବା ଶାହ କହିଛନ୍ତି। ଏତେ ସଂଖ୍ୟକ ଲୋକଙ୍କ ମୃତ୍ୟୁରେ ମାନବାଧିକାରର ଉଲ୍ଲଂଘନ ହୋଇ ନ ଥିବାବେଳେ ଟେଲିଫୋନ୍ ସେବା ବ୍ୟାହତରେ ମାନବାଧିକାରର ଉଲ୍ଲଂଘନ କିପରି ହେଲା ବୋଲି ଶାହ ପ୍ରଶ୍ନ କରିଛନ୍ତି। ରାଜ୍ୟର ଇତିହାସକୁ କେତେକ ନିଜ ଇଛା ଅନୁସାରେ ଲେଖିଛନ୍ତି। ତେବେ ବର୍ତ୍ତମାନ ଉପଯୁକ୍ତ ସମୟ ଆସିଛି। ଏବେ ରାଜ୍ୟର ଠିକ୍ ଇତିହାସ ଲେଖାଯିବ ବୋଲି ଶାହ କହିଛନ୍ତି। ରାଜ୍ୟର ୧୯୬ଟି ଥାନା ଅଞ୍ଚଳରେ ଇତିମଧ୍ୟରେ କର୍ଫ୍ୟୁ ଉଠାଇ ନିଆଯାଇଛି। କେବଳ ୮ଟି ଥାନା ଅଞ୍ଚଳରେ ସୁରକ୍ଷାକୁ ଦୃଷ୍ଟିରେ ରଖି ୧୪୪ ଧାରା ଜାରି କରାଯାଇଥିବା ଶାହ ସୂଚନା ଦେଇଛନ୍ତି।