ଶ୍ରୀନଗର,୧୫।୧: କଶ୍ମୀର ଆତଙ୍କବାଦୀଙ୍କ ସହ ଧରାପଡ଼ିଥିବା ଡିଏସ୍ପି ଦାବିନ୍ଦର ସିଂହଙ୍କ ଉପରେ ବୁଧବାର ବଡ଼ କାର୍ଯ୍ୟାନୁଷ୍ଠାନ ନିଆଯାଇଛି। ଜମ୍ମୁ-କଶ୍ମୀର ପୋଲିସରୁ ତାଙ୍କୁ ବରଖାସ୍ତ କରାଯାଇଥିବା ଜଣାପଡ଼ିଛି। ଏନେଇ ଏକ ନିର୍ଦ୍ଦେଶ ଜାରି କରାଯାଇଛି। ଅନ୍ୟ ଆତଙ୍କବାଦୀ କାର୍ଯ୍ୟକଳାପରେ ତାଙ୍କର ଲିଙ୍କ୍ ଥିବା ନେଇ ସୁରକ୍ଷା ଏଜେନ୍ସି ଏନ୍ଆଇଏ ତାଙ୍କୁ ପଚରାଉଚରା କରୁଛି। ଅପରପକ୍ଷେ ବୁଧବାର ଶ୍ରୀନଗର ସୁରକ୍ଷା ଏଜେନ୍ସି ପକ୍ଷରୁ ଦାବିନ୍ଦରଙ୍କ ସମ୍ପର୍କୀୟଙ୍କ ଘରେ ଚଢ଼ାଉ କରାଯାଇଥିଲା। ଜଣେ ବ୍ୟାଙ୍କ ଅଫିସର ଓ ଜଣେ ଡାକ୍ତରଙ୍କ ଘରେ ଏହି ଚଢ଼ାଉ ମଧ୍ୟ କରାଯାଇଥିଲା। ଏଥିସହ ଶ୍ରୀନଗରର ଇନ୍ଦିରା ନଗରସ୍ଥିତ ଶିବ ମନ୍ଦିରରେ ଖାନ୍ତଲାସି କରାଯାଇଥିବା ଜଣାପଡ଼ିଛି। ଏହି ଚଢ଼ାଉରେ ୧୫ ସେନାବେସ୍ଙ୍କ ନକ୍ସା, ସାଢ଼େ ୭ଲକ୍ଷ ଟଙ୍କା ଓ ବହୁଳ ଅସ୍ତ୍ରଶସ୍ତ୍ର ଜବତ କରାଯାଇଛି। ସମ୍ପୂର୍ଣ୍ଣ ଅଞ୍ଚଳକୁ ଯାଞ୍ଚ କରିବା ପାଇଁ ଡ୍ରୋନ୍ର ସାହାଯ୍ୟ ନିଆଯାଇଥିବା ସୂଚନା ମିଳିଛି। ସୂଚନାଯୋଗ୍ୟ, ଶନିବାର ଦାବିନ୍ଦରଙ୍କୁ ୨ ଆତଙ୍କବାଦୀଙ୍କ ସହ ଧରାଯାଇଥିଲା।