ଓ୍ବାଶିଂଟନ,୨୧।୮: ଜମ୍ମୁ-କଶ୍ମୀର ସମସ୍ୟାରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ମଧ୍ୟସ୍ଥତା କରିବା ପାଇଁ ବେଶ୍ ଆଗ୍ରହ ପ୍ରକାଶ କରୁଛନ୍ତି। ତେଣୁ ଏହି ସମସ୍ୟା ନେଇ ସେ ପ୍ରତିଦିନ ନୂଆ ନୂଆ ମନ୍ତବ୍ୟ ଦେବାରେ ଲାଗିଛନ୍ତି। ଏବେ ଟ୍ରମ୍ପ୍ ଏହି ସମସ୍ୟାରେ ଧର୍ମକୁ ଅଯଥାରେ ଟାଣିଛନ୍ତି। ଏହି ସମସ୍ୟା ହିନ୍ଦୁ-ମୁସଲମାନ୍ଙ୍କ ସମସ୍ୟା ବୋଲି ଟ୍ରମ୍ପ୍ କହିଛନ୍ତି। କଶ୍ମୀର ସମସ୍ୟା ଭାରି ଜଟିଳ। ଏଠାରେ ହିନ୍ଦୁ-ମୁସଲମାନ୍ଙ୍କ ମଧ୍ୟରେ ଏକତା ନ ଥିବା ଟ୍ରମ୍ପ୍ କହିଛନ୍ତି। ତାଙ୍କର ଏଭଳି ବିବାଦୀୟ ମନ୍ତବ୍ୟ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ବିନା ଅନୁମତିରେ ଟ୍ରମ୍ପ୍ଙ୍କ ଏଭଳି ଉଦ୍ୟମକୁ କେତେକ ନାପସନ୍ଦ କରିଛନ୍ତି।