ଭବାନୀପାଟଣା,୧୮।୫(ଡି.ଏନ୍.ଏ.): କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକରେ ଆଦିବାସୀ ହରିଜନ ଲୋକଙ୍କ ଆର୍ଥିକ ସ୍ଥିତିକୁ ସୁଦୃଢ କରିବା ପାଇଁ ସରକାରଙ୍କ ଅନେକ ଯୋଜନା ପ୍ରସ୍ତୁତ ହୋଇଛି । ହେଲେ ଉକ୍ତ ବ୍ଲକରେ ଏହାର କୌଣସି ସୁଫଳ ମିଳି ନ ଥିବା ଦେଖିବାକୁ ମିଳିିଛି । ରାଜ୍ୟ ସରକାର ୧୪ ଲକ୍ଷ ଟଙ୍କା ବ୍ୟୟରେ ଏକ ଶୀତଳ ଭଣ୍ଡାର ନିର୍ମାଣ କରିଥିଲେ। ସ୍ଥାନୀୟ ଆଦିବାସୀଙ୍କ ବିଭିନ୍ନ ପନିପରିବା ଚାଷରୁ ଉପତ୍ାଦନ ପନିପରିବାକୁ ଶୀତଳ ଭଣ୍ଡାରରେ ରଖି ପରବର୍ତ୍ତୀ ସମୟରେ ଉଚ୍ଚ ଦରରେ ବିକ୍ରିକରି ନିଜ ପରିବାର ପୋଷଣରେ ସହାୟକ ହେବ ବୋଲି ଏହା ନିର୍ମାଣ ହୋଇଥିଲ। ମାତ୍ର ବିଭାଗୀୟ ଅଧିକାରୀଙ୍କ ଉଦାସୀନତା ଯୋଗୁ ଏହି ଶୀତଳ ଭଣ୍ଡାର ଜରାଜୀର୍ଣ୍ଣ ଅବସ୍ଥାରେ ପଡିରହିଛି । ଫଳରେ ଏଠାକାର ଲୋକେ ଶୀତଳ ଭଣ୍ଡାର ସୁବିଧାରୁ ମଧ୍ୟ ବଞ୍ଚତ୍ତ ହେଉଛନ୍ତି ।
ଅନ୍ୟପକ୍ଷେ ୨୦୧୩ ମସିହାରୁ ଶୀତଳ ଭଣ୍ଡାରରେ କାର୍ଯ୍ୟରତ ଏକ ଜଗୁଆଳି ୫ ବର୍ଷ ହେବ କୌଣସି ପ୍ରାପ୍ୟ ପାଇ ନ ଥିବା ଅଭିଯୋଗ ହେଉଛି । ଏ ନେଇ ଉକ୍ତ ଅଞ୍ଚଳର ଚାଷୀମାନେ ଅନେକ ସମୟରେ ବିଭାଗୀୟ କର୍ମଚାରୀଙ୍କୁ ଅବଗତ କରୁଥିଲେ ମଧ୍ୟ ସେମାନେ କୌଣସି ପଦକ୍ଷେପ ନେଉ ନ ଥିବା ଅଭିଯୋଗ ହୋଇଛି ।
