ଜୟପୁର,୧୬ା୪(ଡି.ଏନ୍.ଏ.): କୋରାପୁଟ ଜିଲାରେ ଲକ୍ ଡାଉନ ବେଳେ ହିତାଧିକାରୀଙ୍କୁ ଭତ୍ତା ଓ ଚାଉଳ ବଣ୍ଟନ କାମରେ ପ୍ରାଥମିକ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକଙ୍କୁ ନିୟୋଜିତ କରାଯାଇଛି। ସେମାନଙ୍କୁ ଏବେ ଜରୁରିକାଳୀନ କାର୍ଯ୍ୟରେ ନିୟୋଜିତ କରିବ ସ୍ବାସ୍ଥ୍ୟ ବିଭାଗ। ଜିଲାର ଜୟପୁର ବ୍ଲକର ୧୨୦, କୋରାପୁଟ ୬୦, ସେମିଳିଗୁଡ଼ା ୬୦ ଓ କୋଟପାଡ଼ର ୨୦ ଜଣ ଶିକ୍ଷକଙ୍କୁ ଏଥିରେ ନିୟୋଜିତ କରିବା ପାଇଁ ଜିଲା ପ୍ରଶାସନ ତାଲିକା ମାଗିଛି। ଜିଲା ମୁଖ୍ୟ ଚିକିତ୍ସାଧିକାରୀଙ୍କ ଦ୍ୱାରା ଜୟପୁର, କୋରାପୁଟ, କୋଟପାଡ଼ ଓ ସୁନାବେଡ଼ାର ୪ଟି ପୌରାଞ୍ଚଳ ପାଇଁ ପ୍ରସ୍ତୁତ ରହିଥିବା ଜରୁରିକାଳୀନ ସେବା ପାଇଁ ଯୁବକ, ପୁରୁଷ ଓ ବିଭିନ୍ନ ସାମାଜିକ କାମରେ ନିୟୋଜିତ ଥିବା ଶିକ୍ଷକଙ୍କୁ ଚିହ୍ନଟ କରାଯାଇଛି। ଜୟପୁର ବ୍ଲକରେ ୮୭୮ ଶିକ୍ଷୟିତ୍ରୀ, ଶିକ୍ଷକ ରହିଥିବା ବେଳେ ଟଙ୍କା ବଣ୍ଟନରେ ୪୦ ଜଣ, ଚାଉଳ ବଣ୍ଟନରେ ୮୦ ଜଣ ନିୟୋଜିତ ହୋଇଥିଲେ।