ଖୁଣ୍ଟୁଣୀ,୧୮।୫(ଡି.ଏନ୍.ଏ.): ଖୁଣ୍ଟୁଣୀସ୍ଥିତ ରାଜା ଆଠଗଡ଼ ରେଳ ଷ୍ଟେଶନ ପାର୍ଶ୍ୱ ରେଲଓ୍ବ ସାଇଡିଂ ଉପରେ ସୋମବାର ଏକ ମେଟାଲ ବୋଝେଇ ୧୮ଚକିଆ ହାଇଓ୍ବା ବିଦ୍ୟୁତ୍ କରେଣ୍ଟ ଲାଗି ଜଳିଯାଇଛି। ଏହି ସମୟରେ ଡ୍ରାଇଭର ଜଣକ ଡେଇଁପଡ଼ିବାରୁ ଅଳ୍ପକେ ବର୍ତ୍ତିଯାଇଛନ୍ତି। ଖବରପାଇ ଆଠଗଡ଼ ଦମକଳ ବାହିନୀ ଆସି ନିଅଁାକୁ ଆୟତ୍ତ କରିଥିଲେ ମଧ୍ୟ ହାଇଓ୍ବାଟି ସମ୍ପୂର୍ଣ୍ଣ ଜଳିଯାଇଛି। ଢ଼େଙ୍କାନାଳ ଅଞ୍ଚଳରୁ ୬୦ ଟନ ମେଟାଲ ବୋଝେଇ କରି ସିଜି ୦୪ ଏମ୍ଜେ ୬୦୩୨ ନଂ ବିଶିଷ୍ଟ ଏହି ହାଇଓ୍ବାଟି ସୋମବାର ସକାଳେ ଖୁଣ୍ଟୁଣୀସ୍ଥିତ ରାଜ ଆଠଗଡ଼ ଷ୍ଟେଶନରେ ଥିବା ବାଲାଷ୍ଟ ସାଇଡିଂରେ ମେଟାଲ ଅନଲୋଡ କରୁଥିଲା। ଅନ୍ଲୋଡ ସାରି ହାଇଓ୍ବା ଚାଳକ ଡାଲା ନ ପକାଇ ନିଜ ଅସାବଧାନତାରୁ ଗାଡ଼ି ଷ୍ଟାର୍ଟ କରି ଆଗକୁ ଆଣୁଥିବାବେଳେ ଉପରେ ୨୫ହଜାର କିଲେ ଭୋଲଟ୍ ହାଇଟେନ୍ସନ ତାରରେ ଡାଲା ବାଜି ସଙ୍ଗେ ସଙ୍ଗେ ନିଅଁା ଲାଗି ଜଳିଯାଇଥିଲା। ସ୍ଥାନୀୟ ଲୋକେ ଦେଖି ଦମକଳ ବାହିନୀକୁ ଜଣାଇଥିଲେ। ହାଇଓ୍ବାଟିର ଡାଲାଟି ବିଦ୍ୟୁତ୍ ତାରରୁ ଗୋଟିଏ ମିଟର ବ୍ୟବଧାନରେ ଥିବାରୁ ହାଇଭୋଲଟେଜ ଥିବା କରେଣ୍ଟ ଟାଣି ନେଇଥିବା ଖୁଣ୍ଟୁଣୀ ଷ୍ଟେଶନର ଜଣେ ବରିଷ୍ଠ ଅଧିକାରୀ କହିଛନ୍ତି।