ଭୁବନ,୨୮ା୧୦(ଡି.ଏନ.ଏ)- ଢେଙ୍କାନାଳ ଜିଲା ଭୁବନ ଏନ୍ଏସି ୨ନଂ ୱାର୍ଡ ଶିଶୁମନ୍ଦିର ନିକଟସ୍ଥ ଶ୍ରୀକୃଷ୍ଣ ଡ୍ରେସ୍ ହାଉସ ମାଲିକଙ୍କ ଘରେ ରବିବାର ସନ୍ଧ୍ୟା ପ୍ରାୟ ୮ଟାରେ ଅଗ୍ନିକାଣ୍ଡ ଘଟିଛି। ଏଥିରେ ପ୍ରାୟ ୫୦ ଲକ୍ଷ ଟଙ୍କାର ଡ୍ରେସ ଓ ପୋଷାକ ଜଳିଯାଇଛି। ଦୀପାବଳି ଅବସରରେ ପରିବାର ଲୋକେ ଦୋକାନ ପୂଜାରେ ଥିବା ବେଳେ ଅଗ୍ନିକାଣ୍ଡ ଘଟିଥିଲା। ଖବରପାଇ ଭୁବନ, କାମାକ୍ଷାନଗର, ସୁକିନ୍ଦା ଓ ଗଁଦିଆ ଦମକଳ ବାହିନୀ ରାତି ସାଢେ ୧୨ଟା ପର୍ଯ୍ୟନ୍ତ ରହି ନିଆଁ ଲିଭାଇଥିଲେ। ଅଗ୍ନିକାଣ୍ଡର କାରଣ ଜଣାପଡିନାହିଁ ା ଭୁବନ ଥାନା ଅଧିକାରୀ ନିର୍ମଳା ଗୋଛାୟତ ଘଟଣାସ୍ଥଳରେ ପହଁଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ। ଗୋଦାମ ମାଲିକ କୈଳାସଚନ୍ଦ୍ର ରାଠିଙ୍କୁ ପଚାରିବାରେ କୁହନ୍ତି, ଅଗ୍ନିକାଣ୍ଡର କାରଣ ଜଣାପଡିନାହିଁ। ଘରେ ପରିବାର ଲୋକେ ନ ଥିବା ବେଳେ ଏହା ଘଟିଥିବା କହିଥିଲେ ।