ବେଜିଂ,୧୬।୫: ଜହ୍ନରେ ଦେଖାଯାଉଥିବା କଳା କଳା ଅଂଶକୁ କେହି କେହି କଳଙ୍କ ବୋଲି କହିଥାନ୍ତି। ତେବେ ଏହା କିପରି ସୃଷ୍ଟି ହୋଇଛି ତାହାର ଉତ୍ତର ଏବେ ଚାଇନାର ମହାକାଶ ବିଜ୍ଞାନୀ ଜାଣିପାରିଛନ୍ତି। ଏସବୁ ଅଂଶ ଚନ୍ଦ୍ର ପୃଷ୍ଠର ଶୀତଳ ସ୍ଥାନ। ଏଠାରେ ପ୍ରଚୁର ପରିମାଣରେ ଓଲିଭାଇନ୍ ଏବଂ କ୍ୟାଲସିୟମ୍ ପାଇରୋକ୍ସିନ୍ ରହିଛି। ଫଳରେ ଏହା ସ୍ଥାନୀୟ ପୃଷ୍ଠକୁ କଳା କରିଦେଇଛି। ଚାଇନା ଚେଞ୍ଜ୍-୪ ମହାକାଶ ଯାନ ପଠାଇଥିବା ଫଟୋ ତଥା ଆବଶ୍ୟକ ତଥ୍ୟରୁ ଏହା ଅନୁମାନ କରାଯାଉଛି। ଚାଇନା, ଆମେରିକା ତଥା ରୁଷିଆ ପକ୍ଷରୁ ଚନ୍ଦ୍ରପୃଷ୍ଠକୁ ପ୍ରେରଣ କରାଯାଇଥିବା ଯାନ ପୃଥିବୀଠାରୁ ନିକଟତମ ସ୍ଥାନରେ ଅବତରଣ କରିଛନ୍ତି। ମାତ୍ର ଏପର୍ଯ୍ୟନ୍ତ ପୃଥିବୀଠାରୁ ଦୂରରେ ଥିବା ଚନ୍ଦ୍ର ପୃଷ୍ଠରେ କୌଣସି ଯାନ ଅବତରଣ କରି ନାହିଁ। ଫଳରେ ଏହାର ରହସ୍ୟ ମହାକାଶ ବିଜ୍ଞାନୀଙ୍କ ପାଇଁ ଅଜଣା ରହିଛି। ତେବେ ଚାଇନା ମହାକାଶ ବିଜ୍ଞାନୀଙ୍କ ତଥ୍ୟ ଲୁନାର ମାଗ୍ମା ଥିଓରୀକୁ ସମର୍ଥନ କରୁଥିବା କୁହାଯାଉଛି। ଏନେଇ ଚାଇନା ସାଇନ୍ସ ଏକାଡେମୀ ସଦସ୍ୟ ଚୁନାଲାଇ ଲି ସୂଚନା ଦେଇଛନ୍ତି।